«پرەزيدەنت وسى كونستيتۋتسيادا كورسەتىلگەن سەبەپتەر بويىنشا ءوز وكىلەتتىگىن مەرزىمىنەن بۇرىن توقتاتقان جاعدايدا، جاڭا پرەزيدەنت سايلانعانعا دەيىن ونىڭ وكىلەتتىگىن جوگوركۋ كەنەش ءتوراعاسى اتقارادى»، - دەلىنگەن ەل كونستيتۋتسياسىنىڭ 68-بابىندا.
قازىر پارلامەنت سپيكەرى قاناتبەك يسايەۆ. وعان 78 ادام داۋىس بەرگەن، 2 ادام قارسى بولعان.
ول بۇگىن تاڭەرتەڭ جەەنبەكوۆتى وتستاۆكاعا كەتپەۋگە شاقىرعان بولاتىن.
«ول قازىر وكىلەتتىگىن قالدىرماۋى كەرەك. بۇل دۇرىس ەمەس جانە بۇل تارتىپسىزدىكتەردىڭ جاڭا كەزەڭىن تۋدىرۋى مۇمكىن»، - دەگەن ول.
سونداي-اق، ەل زاڭدارىنىڭ نەگىزگى جيناعىندا پرەزيدەنت وكىلەتتىگىن جوگوركۋ كەنەش سپيكەرى ورىنداي الماعان جاعدايدا، قىزمەتتى پرەمەر-مينيستر نەمەسە پرەمەر-ءمينيستردىڭ مىندەتىن اتقارۋشى ورىنداي الاتىنى كورسەتىلگەن.
ال قىرعىزستاننىڭ جاڭا پرەمەر-ءمينيسترى - سادىر جاپاروۆ.
پرەزيدەنتتىككە مەرزىمىنەن بۇرىن سايلاۋ مەملەكەت باسشىسىنىڭ وكىلەتى توقتاتىلعان كۇننەن باستاپ ءۇش اي مەرزىمدە وتكىزىلەدى.
پرەزيدەنتتىڭ مىندەتىن اتقارۋشى ادام جوگوركۋ كەنەشكە مەرزىمىنەن بۇرىن سايلاۋ تاعايىنداۋعا، ۇكىمەتتى وتستاۆكاعا جىبەرۋگە، مەملەكەت باسشىسىن مەرزىمىنەن بۇرىن سايلاۋدا پرەزيدەنت لاۋازىمىنا كانديدات بولۋعا قۇقىلى ەمەس.
بۇعان دەيىن قىرعىزستان پرەزيدەنتى سوورونباي جەەنبەكوۆ وتستاۆكاعا كەتۋ تۋرالى شەشىم قابىلداعانىن حابارلانعان بولاتىن.
ەسكە سالايىق، جەەنبەكوۆ حالىققا ۇندەۋىندە ەلدەگى شيەلەنىستەر ساقتالىپ وتىرعانىن، ال اگرەسسيا باسەڭدەمەگەنىن جانە ونىڭ «تەز ارادا وتستاۆكاعا كەتۋىن تالاپ ەتۋ جالعاسىپ جاتقانىن» اتاپ وتكەن بولاتىن.
tengrinews.kz