قازاقپارات بۇل تۋرالى dimashnews.com سايتىنا سىلتەمە جاساپ حابارلايدى. بەلگىلى بولعانداي، قالىڭدىق 2017 -جىلدان بەرى قازاقستاندىق ءانشىنىڭ فاناتى. سۇيىكتىسى ەكەۋى ديماشتىڭ قىتايدا وتكەن العاشقى كونتسەرتىنە بىرگە بارعان.
«شياۋ لي مەن مينگ 5 جىلدان بەرى تانىس. مينگ 2017 -جىلدان باستاپ سۇيىكتىسى ديماشتىڭ ونەرىنە قىزىعۋشىلىق بىلدىرەتىنىن بايقاپ، قولداۋ كورسەتكەن. بولاشاق جارىنىڭ كوزىنەن قۋانىش كورۋ، عاشىق جىگىت ءۇشىن باقىتتى ساتتەردىڭ باستاماسى بولاتىن»، - دەلىنگەن سايتتا.
«ديماش قىتايدا العاش رەت تۋعان كۇنىن تويلاعان كەزدە، گۋاڭجۋ Dear- لارى بەينەقۇتتىقتاۋ جازۋ ءۇشىن جينالعانبىز. مەنىڭ جانىمداعى جىگىتتى كورگەن قىزدار ونى ديماشتىڭ جانكۇيەرى دەپ ويلاپ، تاڭعالدى. ءبىراق ول مەنى قولداۋ ءۇشىن كەلىپ، قاسىمدا ءجۇردى. سودان بەرى مينگ ءبىزدىڭ ورتادا «جالعان فانات» دەگەن لاقاپ اتقا يە بولدى»، - دەيدى شياۋ لي.
ەسكە سالساق، ديماشتىڭ قىتايداعى العاشقى كونتسەرتى چانشادا ءوتتى.
«بۇل، مەنىڭ «جالعان فاناتىممەن» بارعان العاشقى كونتسەرتىم. الدىن الا بيلەت ساتىپ الدىق. شاعىن ساياحاتىمىزدى جوسپارلاپ، جولعا شىقتىق. جەلتوقسان ايىندا چانشا كۇن وتە سۋىق بولادى. ونىڭ ۇستىنە جاڭبىر جاۋدى. مينگ ەكەۋمىز سالقىن اۋا رايىن ۇناتپايمىز. سوعان قاراماستان ول مەنىمەن بىرگە بولدى. ديماش جۇرگەن كوشەدە ءجۇرىپ، ديماش جەگەن توفۋدى بىرگە جەپ، ديماش سۋرەتكە تۇسكەن جەرلەردە مەنى سۋرەتكە ءتۇسىردى»، - دەپ ەسكە الادى قالىڭدىق.
چانشاداعى بۇل كونتسەرت ءبىزدىڭ ءومىرىمىز ءۇشىن ەرەكشە ساتتەرگە تولى بولدى. سوندىقتان ۇيلەنۋ تويىن ۇيىمداستىرۋشى جۇبايىم ەكەۋمىزدىڭ ەستە قالار ءساتىمىزدى سۇراعاندا، «چانشاداعى عاجايىپ ساپار» دەدىم. تويدا ديماشتىڭ اندەرى شىرقالعان. اسابا جينالعاندارعا مينگ پەن شياۋ ءليدىڭ چانشاداعى ديماشتىڭ كونتسەرتىنە ساپارى تۋرالى ايتىپ بەرگەن.