بۇل تۋرالى قازاقپارات تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.
قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى ەرلان قياسوۆ قازاقستان رەسپۋبليكاسىنىڭ اۋماعىنا، وڭتۇستىك كورەيالىق وندىرۋشىلەرى وتتوگي رامەن كو، ل ت د، 123-12، ەنگسونگ- ري، انزۋنگ- ىپ، پەنگتەك- سي، كەنگي- دو تەز دايىندالاتىن كەسپەلەرىن اكەلۋگە جانە ساتۋعا تىيىم سالۋ تۋرالى قاۋلى شىعاردى.
ماسەلەن، ق ر دەنساۋلىق ساقتاۋ مينيسترلىگى تاۋارلاردىڭ ساپاسىن باقىلاۋ جانە قاۋىپسىزدىك كوميتەتىنىڭ ماماندارى ءونىم قاۋىپسىزدىگىن مونيتورينگىلەۋ شەڭبەرىندە - «دجين رامەن» اتاۋى بار تەز دايىندالاتىن كەسپەلەر اسسورتيمەنتىندە، قاپتاماسىندا ءوندىرۋشىسى وتتوگي رامەن كو (وڭتۇستىك كورەيا) دەپ كورسەتىلگەن، گەنەتيكالىق تۇرلەندىرىلگەن سويا جەلىلەرىنىڭ ساندىق قۇرامىنىڭ ارتىق ەكەندىگى انىقتالدى، نورما بويىنشا % 0,9 بولۋى كەرەك.
ءوندىرۋشىسى وڭتۇستىك كورەيا بولىپ تابىلاتىن وسى ءونىمنىڭ تۇتىنۋشىلىق قاپتاماسىندا قۇرامىندا گەندىك تۇرلەندىرىلگەن ينگرەديەنتتەردىڭ بار ەكەندىگى جونىندە اقپارات بولماعانىن ايتا كەتۋ كەرەك.
«تاماق ونىمدەرىندەگى گ ت و قۇرامىنىڭ رۇقسات ەتىلگەن نورماسى % 0,9 - دان اسپاۋى كەرەك. بەلگىلەنگەن تالاپتارعا، ونىڭ ىشىندە كودەكس اليمەنتاريۋس حالىقارالىق تاماق ستاندارتتارىنا سايكەس قۇرامىندا % 0,9 - دان استام گ ت و بار تاماق ونىمدەرى مىندەتتى تۇردە تاڭبالانۋعا جاتادى. بۇل ءونىم مونيتورينگ جۇرگىزۋ بارىسىندا انىقتالدى. ءونىم الماتى قالاسىنىڭ ساۋدا وبەكتىلەرىنەن ساتىپ الىندى: ج ك «المانىڭ» «مايبۇلاق» دۇكەنى جانە ج ك ا. ا. كالييەۆانىڭ «ميلا» دۇكەنى. بۇگىنگى كۇنى بولشەك ساۋدا جەلىلەرىندە سايكەسسىز ونىمدەردى انىقتاۋ جانە ولاردى ساتۋدان الىپ تاستاۋ بويىنشا ءىس- شارالار جۇرگىزىلۋدە»، - دەدى كوميتەت.
كوميتەتتىڭ اۋماقتىق بولىمشەلەرىنە مەنشىك نىسانىنا قاراماستان، جوعارىدا كورسەتىلگەن ونىمدەردى اكەلۋ جانە وتكىزۋ قىزمەتىن جۇزەگە اسىراتىن كاسىپكەرلىك سۋبەكتىلەرىن حاباردار ەتۋ تاپسىرىلدى. سونداي- اق، سانيتاريالىق- ەپيدەمياعا قارسى ءىس- شارالار جۇرگىزۋ جانە قازاقستاننىڭ تۇتىنۋ نارىعىن قورعاۋدىڭ ءتيىستى دەڭگەيىن قامتاماسىز ەتۋ ماقساتىندا، ەۋرازيالىق ەكونوميكالىق وداققا مۇشە مەملەكەتتەردىڭ ۋاكىلەتتى ورگاندارىنا حابارلامالار جىبەرىلدى.
اۆتور: اياۋلىم التىنبەك