الەكسەي سوي كوروناۆيرۋس جۇقتىرۋ دەڭگەيى قايتا كۇشەيگەن الەم ەلدەرىن اتادى

«ءبىز الەمدەگى احۋالعا ءاردايىم تالداۋ جاساپ وتىرمىز. تالداۋ بارىسىندا ەۋروپا مەن جاقىن، الىس شەتەلدەردە كوروناۆيرۋستىڭ قايتادان ۇدەگەنىن اتاپ وتەمىز. كەيىنگى اپتادا جۇقتىرۋ ءوسىمى گەرمانيادا 1،-1,5 پايىزعا، ۋكراينادا 1,9-2,4 پايىزعا، رەسەيدە 0,8-1,1 پايىزعا، يسپانيادا 0,5-1 پايىزعا، فرانسيادا 1,8-3 پايىزعا، چەحيادا 1,8-3,7 پايىزعا، يتاليادا 0,8-1,3 پايىزعا دەيىن ارتىپ وتىر. ت م د ەلدەرىندە اۋرۋ ءوسىمى قازاقستانعا قاراعاندا 11 ەسە جوعارى ەكەنىن اتاپ ءوتۋ كەرەك»، - دەدى الەكسەي سوي و ك ق-دا وتكەن باسپا ءسوز ءماسليحاتىندا.

ونىڭ ايتۋىنشا قازىر ۇجىمدىق يممۋنيتەت قالىپتاستىرۋدىڭ ماڭىزى زور.

«وسىعان بايلانىستى دۇنيەجۇزىلىك دەنساۋلىق ساقتاۋ ۇيىمىنىڭ پوزيتسياسىن اتاپ وتكىم كەلەدى. وعان سايكەس اۋرۋ جاپپاي ۆاكسيناتسيالاۋعا نەگىزدەلگەن حالىقتىڭ كوبىنىڭ يممۋنيتەتتى بولعان جاعدايدا توقتايدى. وسىلايشا ۆاكسينا باسقاراتىن يممۋنيتەت - ينفەكسيانىڭ الدىن الۋدىڭ نەگىزى بولىپ قالادى. وسىعان وراي ۆاكسينا ازىرلەنبەگەن قازىرگى ۋاقىتتا كارانتيندىك شارالاردى ساقتاپ، قولدى وڭدەپ، ماسكا تاعىپ، الەۋمەتتىك قاشىقتىقتى ساقتاۋ كەرەك»، - دەدى ول.

اۆتور: ايان بەكەن ۇلى