مالايزيادا اباي اتىنداعى قازاق ادەبيەتى مەن مادەنيەتى ورتالىعى اشىلدى
ق ر سىرتقى ىستەر مينيسترلىگىنەن ءمالىم ەتكەندەي، اباي ورتالىعىن اشۋداعى ماقسات - شەتەلدىك اۋديتوريانى قازاقستاننىڭ باي ادەبي، تاريحي جانە مادەني مۇراسىمەن تانىستىرۋ. ءىس- شارا اياسىندا سونداي- اق، مالايزياداعى قازاقستان رەسپۋبليكاسى ەلشىلىگىنىڭ كۇشىمەن العاش رەت مالاي تىلىنە اۋدارىلعان ابايدىڭ «قارا سوزدەر» كىتابىنىڭ تۇساۋى كەسىلدى.
ورتالىققا قازاق ادەبيەتىنىڭ وزگە دە كىتاپتارى مەن شىعارمالارى جانە ۇلتتىق مۋزىكالىق اسپاپ - دومبىرا سىيعا تارتىلدى. اباي اتىنداعى قازاق ادەبيەتى مەن مادەنيەتى ورتالىعىنىڭ اشىلۋ راسىمىندە مالايزيا ۇلتتىق كىتاپحاناسىنىڭ باس ديرەكتورى م. يسمايل جانە قر ەلشىسى ب. يمانبايەۆ ورتالىقتىڭ بىرەگەيلىگىن جانە ونىڭ ەكىجاقتى ىنتىماقتاستىقتى نىعايتۋ، حالىقتاردى جاقىنداتۋ جانە قازاقستان مەن مالايزيا اراسىنداعى مادەني الماسۋ باعىتىنداعى ماڭىزدىلىعىن اتاپ ءوتتى. ورتالىقتىڭ اشىلۋ ءراسىمى اياسىندا، تاراپتار ەلدەگى شەكتەۋ شارالارى اياقتالعاننان كەيىن، اباي ورتالىعى بازاسىندا تۇراقتى تۇردە ءتۇرلى بىرلەسكەن كورمەلەر مەن مادەني ءىس- شارالار وتكىزۋگە قول جەتكىزدى.