«الەمدىك قارجى جانە تاۋار نارىعى كوروناۆيرۋستى جۇقتىرۋدىڭ قايتالانۋى جانە الەمدە جاڭا شەكتەۋ شارالارىن ەنگىزۋ اياسىندا جەتكىلىكتى تۇردە قۇبىلمالى بولىپ قالۋدا. جاھاندىق قور يندەكستەرىنىڭ سەرپىنى ەكى فاكتورمەن ايقىندالادى: الەمدە كوروناۆيرۋستىڭ تارالۋى جانە ا ق ش پەن قىتاي اراسىنداعى ساۋدا قاتىناستارى بويىنشا بەلگىسىزدىكتى تۋدىراتىن ا ق ش- تاعى سايلاۋ، سونىمەن بىرگە ا ق ش پەن ە و- داعى قوسىمشا فيسكالدىق ىنتالاندىرۋدى قابىلداۋ. وسى جىلعى قىركۇيەكتە دامۋشى ەلدەردىڭ قور نارىقتارىنىڭ يندەكسى 1,77، دامىعان ەلدەر اكسيالارىنىڭ يندەكسى 3,59 پايىزعا تومەندەدى. اتالعان فاكتورلار باسقا ەلدەردەگى، اتاپ ايتقاندا ەۋروپاداعى ءالسىز دەرەكتەرمەن بىرگە دوللار قۇنىنىڭ وسۋىنە جانە التىننىڭ 4 پايىزعا ارزانداۋىنا الىپ كەلدى.
Global Composite PMI يندەكسى وسى جىلعى تامىزداعى 52,4 تارماقتان قىركۇيەكتە 52,1 تارماققا دەيىن تومەندەدى. الايدا ءوندىرىس كولەمىنىڭ جانە جاڭا تاپسىرىستاردىڭ ءوسۋى اياسىندا Global Composite PMI يندەكسى وسى جىلعى تامىزدا 51,8 تارماقتان 52,3 تارماققا دەيىن ءوستى»، - دەدى ول.
ۇ ب ءتوراعاسىنىڭ دەرەگىنشە، قىتاي ونەركاسىبىندەگى ىسكەرلىك بەلسەندىلىك يندەكسى بيىلعى قىركۇيەكتە ءبىر اي بۇرىنعى 53,1 كورسەتكىشىمەن سالىستىرعاندا 53 تارماققا دەيىن ازداپ تومەندەدى. ەۋروايماقتا وسى جىلعى قىركۇيەكتە ىسكەرلىك بەلسەندىلىك ناشارلادى. رەسەيدە ونەركاسىپتەگى PMI يندەكسى اعىمداعى جىلعى قىركۇيەكتە 51,1 تارماقتان 48,9 تارماققا دەيىن تومەندەدى.
«قازاقستاندا ىسكەرلىك بەلسەندىلىك يندەكسى قۇرىلىستاعى جانە قىزمەت كورسەتۋ سالاسىنداعى ءوسۋ ەسەبىنەن وسى جىلعى قىركۇيەكتە ءبىر اي بۇرىنعى 45,4 تارماقتان 47,6 تارماققا دەيىن كوتەرىلدى. ونەركاسىپتە يندەكس 47,8 تارماققا دەيىن 0,5 تارماققا تومەندەدى. جالاقى الۋشىلاردىڭ ۇلەسى قالپىنا كەلۋدە، مەملەكەتتىك جاردەماقى الۋشىلاردىڭ ۇلەسى تومەندەۋدە جانە دە رەسپوندەنتتەردىڭ ءىرى ساتىپ الۋلارعا دايىندىعى ارتۋدا. سوڭعى 3 ايدا ءىرى ساتىپ الۋلار مەن شىعىن جاساعاندار ۇلەسى وسى جىلعى كىركۇيەكتە 17 پايىزعا دەيىن ءوستى. الايدا، رەسپوندەنتتەردىڭ 46 پايىزى اعىمداعى ۋاقىتتى ءىرى ساتىپ الۋلار جاساۋ ءۇشىن قولايسىز دەپ سانايدى»، - دەدى ەربولات دوسايەۆ.
اۆتور: مارلان جيەمباي