ديماش «قىتاي داۋىسىنا» قاتىسىپ جاتقان قانداسىمىزعا ساتتىلىك تىلەدى
«بۇگىن مادينا دۋمان اتتى قارىنداسىمىزدىڭ اۋەلەگەن ءانىن تىڭدادىم. «قىتاي داۋىسى» جوباسىنىڭ تالىمگەرى لي جيان مىرزاعا مەنىڭ ءانىمدى تاڭداعانى ءۇشىن العىس ايتامىن. « am singeri» بايقاۋىندا مەن سىرقاتتانىن قالعان كەزدە لي ماەسترو دا قالپىما كەلۋىم ءۇشىن سيرەك ءدارى اكەلىپ، كومەكتەسىپ ەدى»، - دەپ جازدى ءانشى Instagram پاراقشاسىندا . سونىمەن قاتار ديماش ماديناعا دا «ۇمىتىلماس كۇن» ءانىن شەبەر ورىنداعانى ءۇشىن راحمەت ايتتى.
«قايدا بولسىن وسى ءاندى شىرقايمىن دەسەڭىزدەر قارسىلىعىم جوق. وسىنداي كەرەمەت ءانشىنىڭ شىعارمامدى ورىنداپ جاتقانى مەن ءۇشىن زور باقىت. ساتتىلىك مادينا. اتاق- ابىرويى اسقاق انشىگە اينالارىڭا سەنىمدىمىن. ارماندارعا قادام باسا بەر»، - دەپ جازدى ءانشى.
ەسكە سالا كەتسەك بۇعان دەيىن قىتايداعى تانىمالى ونەر باسەكەسىنىڭ ءبىرى سانالاتىن «قىتاي داۋىسى» (Sing! China) مۋزىكالىق جوباسىنا قاتىسىپ جاتقان قانداسىمىز ءمادينا دۋمان قىزى ديماشتىڭ «ۇمىتىلماس كۇن» ءانىن ورىنداعان ەدى.