ءىس ماتەريالدارىنا سايكەس، كەلىنشەك شاشىن سارعايتپاق بولىپ سۇلۋلىق سالونىنا كەلگەن. الايدا، شاشتارازداردىڭ ەپسىزدىگىنەن باسىنىڭ تەرىسى كۇيىپ قالعان.
«سوت مەديتسينالىق ساراپتاما ناتيجەسىندە كليەنتتىڭ دەنساۋلىعىنا جەڭىل زاقىم كەلگەنى انىقتالدى. 5 ايعا سوزىلعان ەمدەۋ كۋرسىنا 600 مىڭ تەڭگە قاراجات جۇمسالعان. داۋدى سوتقا جەتكىزبەي شەشۋ مۇمكىن بولماعاندىقتان، ايەل سوتقا جۇگىنگەن»، - دەدى الماتى قالالىق سوتىنىڭ باسپا ءسوز قىزمەتىنەن.
اۋداندىق سوت شەشىمىمەن ايەلدىڭ شاعىمى جارتىلاي قاناعاتتاندىرىلدى. سۇلۋلىق سالونىنان 600 مىڭ تەڭگە مەديتسينالىق شىعىنعا، 50 مىڭ تەڭگە مورالدىق وتەماقى رەتىندە ءوندىرىلدى. اپەللياتسيالىق سوت ينستانتسياسى جاۋاپكەردىڭ قارسى شاعىمىن نازارعا الماي، سوت ۇكىمىن وزگەرىسسىز قالدىردى.
«تۇتىنۋشىنىڭ قۇقىعى قورعالدى. سۇلۋلىق سالونىنىڭ باسشىلىعى قىزمەتكەرلەرىنىڭ بىلىكتىلىگىن ارتتىرادى دەپ ويلايمىز»، - دەلىنگەن سوتتىڭ حابارلاماسىندا.
اۆتور: گۇلميرا عوسمانالي