د د س ۇ توتەنشە اۋرۋلار ءبولىمىنىڭ تەحنيكالىق توبىنىڭ جەتەكشىسى ماريا ۆان كەركحوۆتىڭ ايتۋىنشا، ۇيىمدا ادامداردا كۇشتى يممۋنيتەت قالىپتاسقانى تۋرالى مالىمەتتەر بار، ءبىراق ونىڭ قانشا ۋاقىتقا سوزىلاتىنى ءالى بەلگىسىز.
«ءبىز كوپتەگەن ەلدەگى قايتا جۇقتىرۋ جاعدايلارىن بىلەمىز. بىزدە قايتا جۇقتىرۋ جاعدايلارىنا ارنايى جۇمىس توبى بار. سەبەبى سۇراقتار كوپ. قازىرگى ۋاقىتتا ءار ءتۇرلى ەلدەن كوپتەگەن حابارلاما تۇسەدى، ءبىراق بىزدە ۆيرۋستى قايتا جۇقتىرعان حالىقتىڭ پايىزدىق ەسەبى جوق. قازىرگى سۇراق - ءبىرىنشى ينفەكتسيادان كەيىن قانداي جانە ەكىنشى ينفەكتسيادان كەيىن قانداي يممۋنيتەت پايدا بولادى؟ انتيدەنەلەر سانى وسەدى مە نەمەسە ازايادى ما جانە وندا نە بولىپ جاتىر؟» ، - دەدى ول.
د د س ۇ جاۋاپ تابۋعا ۇمىتتەنەتىن تاعى ءبىر سۇراق - اۋرۋدىڭ قايتالانۋى قانشالىقتى اۋىر بولادى؟ ۆيرۋستىڭ جەڭىل ءتۇرىن جۇقتىرۋ مۇمكىن بە؟ ونىڭ ايتۋىنشا، د د س ۇ- دا COVID-19 جۇقتىرىپ، اۋرۋدان ايىققان ادامداردا كۇشتى يممۋنيتەت داميتىنى تۋرالى مالىمەتتەر بار، ءبىراق ونىڭ قانشا ۋاقىتقا سوزىلاتىنى ءالى بەلگىسىز. كەيبىر زەرتتەۋدە مىقتى يممۋنيتەت بەس ايعا دەيىن ساقتالاتىنى كورسەتىلگەن، ال باسقالارى انتيدەنەلەر از مولشەردە پايدا بولاتىنىن ايتادى.