سونداي- اق دەپۋتاتتار ۇكىمەت باعدارلاماسىن، قۇرىلىمى مەن قۇرامىن دا بەكىتتى. زالدا ۇكىمەت مۇشەلەرى بولدى. سادىر جاپاروۆ ۆيتسە- پرەمەر- ءمينيستردىڭ مىندەتىن اتقارۋشى ەركين اسرانديەۆتىڭ ءوز قىزمەتىنەن باس تارتقاندىعىن حابارلادى. سونىمەن بىرگە جاڭا ۇكىمەت قۇرامىندا ءى ءى م باسشىسىنىڭ لاۋازىمىن اتقارعان كاشكار دجۋنۋشاليەۆ بولمايدى.
ەسكە سالايىق، جەكسەنبى، 4 -قازان كۇنى قىرعىزستاندا جوگوركۋ كەنەشكە دەپۋتاتتاردى سايلاۋ ءوتتى . دەپۋتاتتىق مانداتقا 16 پارتيا ۇمىتكەرلىك ەتتى. داۋىس بەرۋدىڭ الدىن الا مالىمەتى بويىنشى،%7 مەجەنى 4 پارتيا ەڭسەردى . ال، 5-قازان كۇنى سايلاۋ ناتيجەسىنە كوڭىلى تولماعان ءبىر توپ ادام ورتالىق الاڭدا ميتينگ ۇيىمداستىرىپ، ودان كەيىن اق ۇيگە بەتتەدى. ولاردى تارقاتۋ ءۇشىن ميليتسيا كوز جاساۋراتاتىن گاز ، سۋاتقىش جانە گاز- شۋىلدى قۇرىلعىلار قولدانعان. بىشكەك ۋاقىتىمەن ساعات 22.00 دەگى ءمالىم بويىنشا، اۋرۋحاناعا زارداپ شەككەن 16 ادام جەتكىزىلگەن. كەيىنگى مالىمەت بويىنشا، زارداپ شەككەن ادامدار سانى 911 گە جەتتى . ەلدىڭ ىشكى ىستەر مينيسترلىگى ميتينگتى ۇيىمداستىرۋشىلار مەن پارتيا باسشىلارىن ءوز جاقتاستارىن ۇيلەرىنە قايتارۋعا شاقىردى . 6-قازاندا قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ ەلدەگى ساياسي جاعدايعا بايلانىستى مالىمدەمە جاسادى.