ق ا ج د قىزمەتكەرلەرى پەنيتەنسيارلىق مەكەمەلەردىڭ پسيحولوگتارىمەن جانە ماماندارىمەن بىرلەسىپ، سوتتالعانداردىڭ ءتورت مىڭعا جۋىق جەكە ءىسىن تالدادى.
وسىلايشا «بالىقتار» بەلگىسىمەن تۋعان ادامدار قىلمىسقا بەيىم دەگەن قورىتىندىعا كەلدى. قىلمىسقا ءجيى باراتىن سوتتالۋشىلار اراسىندا «بيكەش» زودياك بەلگىسىندە تۋىلعاندار ەكىنشى ورىندا، ءۇشىنشى ورىندا «توقتى»، ودان كەيىن «تاۋەشكى»، «ەگىزدەر»، «ارىستان»، «تورپاق»، «شايان»، «سۋقۇيعىش»، «سارىشايان» جانە «تارازى».
قاراعاندى كولونيالارىنداعى ەڭ ازى «مەرگەندەر» بولدى. اك-159/17 مەكەمەسىنىڭ باستىعى بولات مۇحتاروۆتىڭ ايتۋىنشا، زەرتتەۋ بارىسىندا بەلگىلى ءبىر زودياك بەلگىلەرى جازاسىن وتەپ جاتقان قىلمىستار دا زەرتتەلگەن. - كىسى ولتىرگەنى ءۇشىن جازاسىن وتەۋشىلەر اراسىندا «تورپاقتار» پەن «توقتىلار» كوپ. زورلاۋ قىلمىسى ءۇشىن سوتتالعانداردىڭ اراسىندا كوبىنە «شاياندار» كەزدەسەدى، سونداي- اق وسى ساناتقا «ارىستاندار» جانە «تاۋەشكىلەر» كىرەدى.
سوڭعىلارى الاياقتىق پەن ەسىرتكى ساۋداسىمەن بايلانىستى قىلمىستاردا دا بايقالادى. ۇرلىق جاساعاندار اراسىندا «توقتىلار»، «ارىستاندار» جانە «تورپاقتار» كوپ. سونداي-اق، «بالىقتار» مەن «ارىستاندار» الاياقتىققا بەيىم، - دەيدى ادىلەت پولكوۆنيگى بولات مۇحتاروۆ.
سونىمەن قاتار، توناۋ قىلمىسى ءۇشىن، نەگىزىنەن، قاراعاندى وبلىسىنىڭ كولونيالارىندا «توقتىلار» جانە «تاۋەشكىلەر» وتىر.
بۇزاقىلىق پەن ۆانداليزم «تاۋەشكى»، «توقتى» جانە «بالىقتار» اراسىندا ءجيى كەزدەسەدى. «ارىستاندار» مەن «بالىقتار» زاڭسىز اڭ اۋلاۋدى ءجون كورەدى. «سۋقۇيعىش» بەلگىسىنىڭ وكىلدەرى اراسىندا بوپسالاۋشىلار كوپ كەزدەسەتىنى انىقتالدى.
اۆتور: اگاتا مۋحامەدجانوۆا