الماتىدا ابايدىڭ ەرەكشە سۋرەتى سالىندى

نۇر-سۇلتان. قازاقپارات الماتىدا ەرەكشە تاسىلدە سالىنعان ۇلى ابايدىڭ سۋرەتى كوپشىلىكتىڭ نازارىن اۋداردى، دەپ حابارلايدى «حابار 24».

ونىڭ اۆتورى - تانىمال سۋرەتشى دجوحار يۋنۋسوۆ. ول دانىشپان تۇلعانى اسفالتقا كادىمگى سۋمەن سالعان. ول ءۇشىن الدىمەن اقىننىڭ بەت- ءپىشىنىن بورمەن سىزىپ، كەيىن 18 ليتر كولەمىندە سۋ قولدانعان. ناتيجەسىندە، ەنى 10، ال ۇزىندىعى 18 مەتر بولاتىن ۇلى ابايدىڭ ۇلكەن پورترەتى پايدا بولدى. سۋرەتشى بۇل تىڭ يدەياسىن ىسكە اسىرۋ ءۇشىن ءبىر جىلداي دايىندالىپتى. بۇل جولعى تۋىندىسىن تاريحي تۇلعانىڭ 175 جىلدىعىنا ارناپ وتىر. ول بولاشاقتا گرەك- ريم كۇرەسىنىڭ پالۋانى، الەم چەمپيونى جاقسىلىق ۇشكەمپىروۆتىڭ سۋرەتىن سالماق ويى بار.