جەزقازعاندا جوشى حان تاريحي- مادەني كەشەنىنىڭ قۇرىلىسى قارقىندى ءجۇرىپ جاتىر
جەزقازعان وڭىرىنە جۇمىس ساپارى بارىسىندا قاراعاندى وبلىسىنىڭ اكىمى جەڭىس قاسىمبەك قۇرىلىس جۇمىستارىنىڭ بارىسىمەن تانىستى. كەشەننىڭ ىشىندە جەزقازعاننىڭ كيەلى جەرلەرىنە ارنالعان ەكسپوزيتسيالار مەن دەمونستراتسيالارعا ارنالعان زالدار ورنالاسقان. ديزاينەرلەر تاريحي جازبالاردى قالپىنا كەلتىرىپ، بالاۋىز فيگۋرالارىن سالادى. كىرپىشتىڭ ارنايى توسەلۋىنىڭ ارقاسىندا اۋا رايىنا قاراماستان عيمارات ءاردايىم جىلى بولادى. تۋريستەر ءۇشىن قوناق ءۇي كەشەنى مەن اسحانا سالىنادى.
قۇرىلىس كومپانياسىنىڭ ديرەكتورى اباي بايدىلدايەۆتىڭ ايتۋىنشا، نىساندا قۇرىلىسشىلار ەكى اۋىسىممەن جۇمىس ىستەيدى. قازىر قۇرىلىسشىلار ىشكى ارلەۋ جۇمىستارىنا كىرىستى. اۋماقتى اباتتاندىرۋ جانە كوگالداندىرۋ شارالارى جۇرگىزىلەدى. جۇمىستاردى جىل سوڭىنا دەيىن اياقتاۋ جوسپارلانىپ وتىر. كەشەننىڭ اۋلاسىندا جوشى حاننىڭ بەس مەترلىك گرانيت ەسكەرتكىشى تۇرعىزىلدى. تاريحي كەشەننىڭ اينالاسىندا ەتنو- اۋىل پايدا بولادى. ۇلتتىق بۇيىمدار مەن اشەكەيلەر كورمەسىن وتكىزۋ ءۇشىن كيىز ۇيلەر مەن شاتىرلار ورناتىلادى.
جوشى حاننىڭ تاريحي- مادەني كەشەنى التىن وردا ءداۋىرىن زەرتتەۋگە ارنالعان عىلىمي ورتالىققا اينالادى. مۇندا وتاندىق جانە شەتەلدىك عالىمداردىڭ قاتىسۋىمەن عىلىمي كونفەرەنتسيالار مەن سيمپوزيۋمدار وتكىزىلەدى. سونداي- اق، كەشەن بازاسىندا وقۋشىلار ءۇشىن كوشپەلى تاريح ساباقتارى ۇيىمداستىرىلادى دەپ جوسپارلانىپ وتىر.