بەيسەنبى كۇنى جاريالانعان اۋىل شارۋاشىلىعى مينيسترلىگىنىىڭ مالىمدەمەسىندە Bioceres بيوتەحنولوگيالىق كومپانياسى، CONICET عىلىم جانە تەحنولوگيالار جونىندەگى ۇلتتىق كوميسسياسى جانە ۇلتتىق ۋنيۆەرسيتەت ازىرلەگەن HB4 جاڭا قۇرعاقشىلىققا ءتوزىمدى بيداي سورتىنىڭ قابىلدانعانى تۋرالى حابارلاندى.
وسىلايشا ارگەنتينا گەنەتيكالىق تۇرلەندىرىلگەن بيدايدى ءوسىرۋدى جانە تۇتىنۋدى ماقۇلداعان الەمدەگى العاشقى مەملەكەت بولدى. ارگەنتينالىق بيدايدىڭ باسىم بولىگى شامامەن % 45- عا جۋىعى برازيلياعا ەكسپورتتالادى. سوندىقتان قازىر ارگەنتينا كورشىلەس ەلدە دە گەنەتيكالىق تۇرلەندىرىلگەن بيدايدىڭ ماقۇلداۋىنا مۇددەلى، دەلىنگەن كوميسسيانىڭ مالىمدەمەسىندە.
«ارگەنتينانىڭ HB4 ءبىزدىڭ بيدايىمىزدى ماقۇلداۋى ءونىمنىڭ ايتارلىقتاي ءوسۋى مەن ءبىزدىڭ تەحنولوگيا ۇسىناتىن ەكولوگيالىق ارتىقشىلىقتاردى ەسكەرە وتىرىپ، وسى ماڭىزدى داقىلدىڭ ءوندىرىسى مەن ساتىلىمىنىڭ بۇكىل جاھاندىق جۇيەسى ءۇشىن جاڭا مۇمكىندىكتەر اشادى»، - دەپ حابارلادى Bioceres باس ديرەكتورى فەدەريكو ترۋككو.
بيدايدىڭ HB4 سۇرىپىن قۇرعاقشىلىق جاعدايىندا سىناپ كورگەن ون جىل ىشىندە ونىمدىلىك ورتا ەسەپپەن 20 پايىزعا ءوستى.
اۆتور: اياۋلىم التىنبەك