بۇل تۋرالى بەيسەنبى كۇنى كرەملدىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«ازەربايجان رەسپۋبليكاسىنىڭ پرەزيدەنتى يلحام الييەۆپەن جانە ارمەنيا رەسپۋبليكاسىنىڭ پرەمەر- ءمينيسترى نيكول پاشينيانمەن تەلەفون ارقىلى سويلەسكەننەن كەيىن رەسەي فەدەراتسياسىنىڭ پرەزيدەنتى قايتىس بولعانداردىڭ مايىتتەرى مەن تۇتقىنداردى الماسۋ ءۇشىن گۋمانيتارلىق سەبەپتەر بويىنشا تاۋلى قاراباق قاقتىعىس ايماعىندا جۇرگىزىلىپ جاتقان اسكەري قيمىلداردى توقتاتۋعا شاقىرادى. رەسەي سىرتقى ىستەر ءمينيسترىنىڭ بىتىستىرۋشىلىگىمەن كونسۋلتاتسيالار وتكىزۋ ءۇشىن ازەربايجان مەن ارمەنيانىڭ سىرتقى ىستەر مينيسترلەرى 9 - قازاندا ماسكەۋگە شاقىرىلادى»، - دەلىنگەن حابارلامادا.
تاۋلى قاراباقتاعى جاعداي 27 - قىركۇيەكتە شيەلەنىسىپ، داۋلى اۋماقتا شايقاستار ءجۇرىپ جاتىر. قاراباقتاعى قاقتىعىس 1988 -جىلى اقپاندا، تاۋلى قاراباق اۆتونوميالىق وبلىسى ازەربايجان كەڭەستەر وداعى قۇرامىنان شىعاتىنىن جاريالاعان كەزدە باستالدى. 1992-1994 -جىلدارداعى قارۋلى قاقتىعىستاردىڭ سالدارىنان ازەربايجان تاۋلى قاراباق پەن وعان ىرگەلەس جاتقان جەتى اۋداندى باقىلاۋدان شىعارىپ الدى.
اۆتور: اياۋلىم التىنبەك