كارىم ءماسىموۆ پەن ومۇربەك سۋۆاناليەۆ قىرعىزستانداعى جاعدايدى تالقىلادى

نۇر- سۇلتان. قازاقپارات - 8- قازاندا ق ر ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ قىرعىز رەسپۋبليكاسىنىڭ مەملەكەتتىك ۇلتتىق قاۋىپسىزدىك كوميتەتى ءتوراعاسى مىندەتىن اتقارۋشى ومۇربەك سۋۆاناليەۆ تەلەفون ارقىلى سويلەستى، دەپ حابارلايدى قازاقپارات ق ر ۇ ق ك سايتىنا سىلتەمە جاساپ.

«قىرعىزستانداعى بولىپ جاتقان جاعداي تالقىلاندى. جاعدايدى تەز ارادا دۇرىستالادى دەگەن سەنىم ءبىلدىرىلدى. بۇعان دەيىن جاسالعان كەلىسىمدەرگە سايكەس ەكى ۆەدومستۆونىڭ اراسىنداعى ىنتىماقتاستىقتى جالعاستىرۋدىڭ ماڭىزدىلىعى اتالىپ ءوتىلدى»، - دەلىنگەن حابارلامادا.

ەسكە سالا كەتسەك، قىرعىزستاندا 4 - قازاندا جوگوركۋ كەڭەش دەپۋتاتتارىن سايلاۋ ءوتتى. ال، 5 - قازان كۇنى سايلاۋ ناتيجەسىنە كوڭىلى تولماعان ءبىر توپ ادام ورتالىق الاڭدا ميتينگ ۇيىمداستىرىپ، ونىڭ سوڭى جاپپاي تارتىپسىزدىكتەرگە ۇلاستى. شەرۋگە شىققاندار اق ءۇيدى قورشاپ الدى، كەيىن رەزيدەنسياعا باسىپ كىردى. قىرعىزستاننىڭ سايلاۋ كوميسسياسى پارلامەنت سايلاۋىنىڭ قورىتىندىسىن زاڭسىز دەپ تاپتى.

اۆتور: جانىبەك امانگەلدى