بۇل تۋرالى فرانسيانىڭ سىرتقى ىستەر مينيسترلىگى حابارلادى، دەپ حابارلايدى «قازاقپارات» ح ا ا ءتىلشىسى.
فرانسيانىڭ سىرتقى ىستەر مينيستر جان- يۆ لە دريان رەسەي، ا ق ش جانە فرانسيا ە ق ى ۇ مينسك توبىنىڭ تەڭ ءتوراعالارى رەتىندە 8 - قازاندا جەنيەۆادا، ال 12 - قازان كۇنى ماسكەۋدە تاۋلى قاراباقتاعى جاعداي بويىنشا كەلىسسوزدەر جۇرگىزىلەتىنىگى تۋرالى ايتتى.
سونىمەن قاتار، ازەربايجان سىرتقى ىستەر ءمينيسترى دجەيحۋن بايراموۆ 8- قازاندا جەنيەۆاعا جۇمىس ساپارىمەن بارادى. بۇل تۋرالى ەلدىڭ سىرتقى ساياسات ۆەدومستۆوسىنىڭ حابارلاماسىندا ايتىلعان. ساپاردىڭ ماقساتى ە ق ى ۇ مينسك توبىنىڭ تەڭ توراعالارىمەن كەزدەسۋ وتكىزۋ جانە قاقتىعىستى رەتتەۋدەگى ازەربايجاننىڭ ۇستانىمىن قارسى تاراپقا جەتكىزۋ بولىپ تابىلادى.
ەسكە سالساق، 27 -قىركۇيەكتە ازەربايجان مەن ارمەنيا تاۋلى قاراباقتاعى جاعدايدىڭ ۋشىعۋى تۋرالى حابارلادى. ق ر سىرتقى ىستەر مينيسترلىگى جاعدايعا بايلانىستى مالىمدەمە تاراتتى.