«قازىر الەمدەگى جاعداي كۇردەلى. ءتىپتى، كەيبىر ايماقتارداعى احۋال ۋشىعا ءتۇستى. بۇل جاعداي ارينە، ءبىزدى دە الاڭداتادى. بارلىعىمىز ەل ىشىندە جانە اينالامىزدا تۇراقتىلىق بولعانىن قالايمىز. سوندىقتان الەمدە بولىپ جاتقان وقيعالاردان ساباق الۋىمىز كەرەك. ەلدىڭ بەرەكە-بىرلىگى مەن اماندىعى بارىنەن قىمبات. اسىرەسە، بۇل قازىرگىدەي كەزەڭدە وتە ماڭىزدى. الەمدى جايلاعان پاندەمياعا جانە ەكونوميكالىق داعدارىسقا توتەپ بەرۋ ءۇشىن مەملەكەت بارلىق قاجەتتى شارالاردى قابىلداۋدا. ءبىراق بۇل جۇمىس بۇكىل ەل بولىپ، جۇمىلا بىلسەك قانا ءوز ناتيجەسىن بەرەدى»، - دەدى پرەزيدەنت كوروناۆيرۋس ىندەتىنىڭ ەكىنشى كەزەڭىنە دايىندىق ماسەلەلەرى بويىنشا كەڭەستە سويلەگەن سوزىندە.
مەملەكەت باسشىسى «تورتەۋ تۇگەل بولسا، توبەدەگى كەلەدى» دەگەن، بابالاردان قالعان ناقىلدى ەسكە سالدى.
«ءبىزدىڭ بارلىق جەتىستىكتەرىمىز، ەڭ الدىمەن، اۋىزبىرشىلىكتىڭ ارقاسى. وسىنى ۇمىتپاعان ءجون»، - دەپ ءتۇيدى پرەزيدەنت.
اۆتور: ايان بەكەن ۇلى