سەبەبى بىشكەكتە توناۋشىلىق ارەكەتتەر بەلەڭ الدى. بەلگىسىز توپتار قالاداعى قارجى پوليتسياسىنىڭ عيماراتىنا شابۋىلداپ، ءدامحانالاردى تالقانداۋعا تىرىسقان. ال سوڭعى اقپارعا قاراعاندا الا- توو الاڭىنا جينالعان حالىق تارقاعان. ءبىراق پارلامەنتتىڭ شۇعىل وتىرىس وتكەن «دوستىق» قوناق ءۇيىنىڭ ماڭىندا تارتىپسىزدىكتەر بولعان.
بىشكەكتە جاعداي تۇراقتالدى. ءبىراق وتكەن تۇندە دە قىرعىزستاندا تارتىپسىزدىكتەر تىركەلدى. بەلگىسىز توپتار بىشكەك ورتالىعىندا ويران سالىپ، ساۋدا نىساندارىن قيراتتى. كەيىن ميتينگىگە شىققاندار مەملەكەتتىك رەزيدەنتسياعا قاراي باعىت الدى. ەرەۋىلشىلەر ول جەردە مەملەكەت باسشىسى بار دەپ ويلاعان. الايدا حالىق جاساقشىلارى شەرۋشىلەرگە توسقاۋىل بولىپ، ستراتەگيالىق نىسانعا باسىپ كىرۋگە جول بەرمەدى.
جاساقشىلار وزگە دە نىسانداردى قورعاۋعا الدى. دەگەنمەن، تاڭعا قاراي جاعداي تىنىشتالا باستاعان. الايدا قالاداعى ءتارتىپتى قالپىنا كەلتىرۋگە جەرگىلىكتى پوليتسەيلەر مۇلدەم اتسالىسپاعان كورىنەدى. بۇدان بولەك، كەيبىر ستراتەگيالىق ماڭىزى بار مەكەمەلەردى توناۋ مەن باسىپ الۋ ارەكەتتەرى بولدى دەگەن اقپار بار. ناقتىراق ايتقاندا، ەكى التىن كەن ورنىندا بەلگىسىز بىرەۋلەر مۇلىكتى اكەتۋگە تىرىسقان. سونىمەن قاتار، بازبىرەۋلەر بىشكەك پەن وش قالالارى اۋەجايلارى مەن كەيبىر تەلەارنالاردىڭ باسشىلىعىن اۋىستىرماق بولعان. جالپى وسى ۋاقىتقا دەيىن وش پەن بىشكەك مەريالارىن كىم باسقارىپ وتىرعانى بەلگىسىز.
ايتا كەتەيىك، جۋىردا پارلامەنت دەپۋتاتتارىنىڭ ءبىر بولىگى ەل پرەمەر- ءمينيسترى سادىر جاپاروۆتىڭ كانديداتۋراسىن ماقۇلداعان بولاتىن.
www.24.kz