قانداي باعدارلامالار ارقىلى شەتەلدىك ج و و- عا تۇسۋگە بولادى؟
قازاقستانداعى ەڭ تانىمال ءبىلىم بەرۋ باعدارلامالارىنىڭ ءبىرى - «بولاشاق» حالىقارالىق ستيپەنديالىق باعدارلاماسى. ونىڭ اياسىندا ستيپەنديا يەگەرلەرىنە شەتەلدىك جوعارى وقۋ ورىندارىنداعى وقۋ اقىسى، جاتاقحانا، تاماقتانۋ، ۇشۋ اقىسى تولەنەدى.
«حالىقارالىق باعدارلامالار ورتالىعى» ا ق كونكۋرستىق پروتسەدۋرالاردى ۇيىمداستىرۋ ءبولىمىنىڭ باسشىسى سامال كامارينانىڭ ايتۋىنشا، بيىل ستيپەنديا بايقاۋىنىڭ شارتتارى وزگەردى.
«بيىلدان باستاپ ۇمىتكەرلەر كونكۋرسقا تەك «بولاشاق» باعدارلاماسى بويىنشا ۇسىنىلاتىن جوعارى وقۋ ورىندارىنىڭ تىزىمىنە ەنگەن شەتەلدىك ۋنيۆەرسيتەتتەردىڭ شاقىرۋىمەن قاتىسا باستادى. سونداي- اق ۇمىتكەرلەر ءۇشىن GPA تالابى جويىلادى جانە شەت ءتىلىن بىلۋگە دەگەن تالاپ الىنىپ تاستالادى. كونكۋرستىق ىرىكتەۋ ءۇش كەزەڭگە دەيىن قىسقارتىلدى. تىلدەردى وقىتۋ باعدارلاماسى ەندى تەك اۋىل تۇرعىندارى ءۇشىن قول جەتىمدى. مەملەكەتتىك ءتىلدى مەڭگەرۋ تالابى مىندەتتى بولىپ قالا بەرەدى»، - دەدى سامال كامارينا.
سونداي- اق قازاقستاندىقتار شەت مەملەكەتتەردىڭ ۇكىمەتارالىق گرانتتارى بويىنشا وقي الادى. حالىقارالىق باعدارلامالار ورتالىعى بۇل باعىتتى قاداعالايدى.
«ءبىزدىڭ ورتالىق قۇجاتتار قابىلداۋدى جۇزەگە اسىرۋ جانە ۇكىمەتارالىق گرانتتار شەڭبەرىندە كونكۋرستىق ىرىكتەۋدى ۇيىمداستىرۋ بويىنشا اكىمشى بولىپ تابىلادى. كونكۋرستىق ىرىكتەۋ ناتيجەلەرى بويىنشا قاتىسۋشىلاردىڭ ماتەريالدارى تۇپكىلىكتى شەشىم قابىلداۋ ءۇشىن قابىلداۋشى ەلدىڭ ەلشىلىگىنە نەمەسە قابىلداۋشى ەلدىڭ اتىنان قاتىساتىن ۇيىمعا جىبەرىلەدى. باكالاۆرياتقا ۇمىتكەرلەردىڭ ورتاشا GPA 4.00-دەن كەم بولماۋى كەرەك، ماگيستراتۋرا مەن دوكتورانتۋرا ءۇشىن GPA كەم دەگەندە 3.0 ديپلوممەن. سونىمەن قاتار قابىلداۋ قابىلداۋشى مەملەكەت جاريالاعان ماماندىقتار بويىنشا جۇزەگە اسىرىلادى. مىسالى، مەديتسينالىق نەمەسە ينجەنەرلىك. قۇجاتتاردى تاپسىرۋ كەزىندە باسەكەلەستەر وزدەرى قالاعان جوعارى وقۋ ورىندارىن كورسەتەدى»، - دەدى «حالىقارالىق باعدارلامالار ورتالىعى» ا ق كونكۋرستىق پروتسەدۋرالاردى ۇيىمداستىرۋ ءبولىمىنىڭ باسشىسى.
حالىقارالىق باعدارلامالار ورتالىعى جەتەكشىلىك ەتەتىن باعىتتار تۋرالى تولىق اقپاراتتى bolashak.gov.kz ۆەب- سايتىنان الۋعا بولادى. سونىمەن بىرگە قازاقستاندىق تالاپكەرلەر شەتەلگە باسقا دا باعدارلامالار ارقىلى وقۋعا تۇسە الادى.
كوشباسشىلىق قابىلەتتەرى بار ستۋدەنتتەر ۇلى بريتانيا ۋنيۆەرسيتەتتەرىندە ماگيستراتۋرادا وقۋعا مۇمكىندىك بەرەتىن حالىقارالىق Chevening ستيپەنديا جۇيەسىنە قاتىسا الادى. باعدارلامانىڭ شارتتارىن chevening.org سايتىنان تابا الاسىز.
DAAD نەمىس اكادەميالىق الماسۋ قىزمەتىنىڭ باعدارلاماسىنا سايكەس قازاقستاندىقتار گەرمانيانىڭ ج و و- لارىنا تۇسە الادى. وعان قاتىسۋ شارتتارىن daad.de سايتىنان تابا الاسىز. قازاقستان سونىمەن قاتار اكادەميالىق جانە مادەني الماسۋدى كوزدەيتىن Fulbright باعدارلاماسى بويىنشا ىنتىماقتاستىق ورناتۋدا. وسى باعدارلاما شەڭبەرىندەگى گرانت يەگەرلەرىنە امەريكالىق ۋنيۆەرسيتەتتەردە ماگيستراتۋرادا وقىعانى ءۇشىن اقى تولەنەدى.
تولىق مالىمەتتەردى مىنا سايتتان الۋعا بولادى: fulbrightonline.org. فرانسيادا وقىعىسى كەلەتىندەر ءۇشىن Eiffel Excellence باعدارلاماسى بار. ونىڭ ستيپەندياتتارى ماگيستراتۋرادا نەمەسە اسپيرانتۋرادا وقي الادى. ول تۋرالى بارلىق اقپاراتتى campusfrance.org سايتىنان تابا الاسىز.
كانادانىڭ ۋنيۆەرسيتەتتەرىندە دە ءبىلىم الۋعا بولادى.
بۇل ەلدە Vanier Canada Graduate Scholarshipباعدارلاماسى جۇمىس ىستەيدى. ونىڭ شارتتارىن ۆەب- سايتتان كورە الاسىز: vanier.gc.ca/kz/home-accueil.html.
ەۋروپالىق وداقتىڭ Erasmus+ باعدارلاماسى بويىنشا ءبىلىم دەڭگەيىڭىزدى كوتەرۋگە بولادى. ونى ۇيلەستىرۋ ءۇشىن قازاقستاندا erasmusplus.kz ۇلتتىق كەڭسەسى اشىلعان. ءبىر جىلدىق وقىتۋ قاۋىمداستىق سەكتورىنىڭ بەلسەندىلەرىمەن جۇمىس ىستەيتىن Community Solutions Program باعدارلاماسى ارقىلى ۇسىنىلادى. ونىڭ شارتتارى ۆەب- سايتتا قول جەتىمدى: irex.org شەت ەلدەردە وقۋدىڭ قولايلى نۇسقالارىن تابۋعا كومەكتەسەتىن قىزمەتتەر دە بار.
گرانتتار، ستيپەنديالار، تاعىلىمدامالار تۋرالى اقپاراتتى Neupusti پورتالىنان، سونداي- اق neupusti.net - تەلەگرام ارناسىنان تابۋعا بولادى.
ال t.me/studyqa StudyQA – تەلەگرام ارناسىنان كوپتەگەن قاجەتتى اقپاراتتار ۇسىنىلعان. ءسىز سونداي- اق Grantist.com سايتىنان شەتەلدەگى ستيپەنديالىق باعدارلامالار نەمەسە گرانتتارعا ارنالعان كونكۋرستار تۋرالى اقپارات الا الاسىز.
www.24.kz