ۆەدومستۆونىڭ مالىمەتىنشە، قىلمىس ستەپنوگورسك قالاسىندا بولدى. 29 جاستاعى ەر ادام 28 جاستاعى تانىسىنىڭ ۇيىنە قوناققا كەلگەن. ارتىنشا، ونىڭ ءبىرى وق ءتيىپ، اۋرۋحاناعا تۇسكەن. «ەكەۋارا اراق ىشكەن ەر ادامدار سوزگە كەلىپ قالعان. سول كەزدە ءۇي يەسى مىلتىق الىپ، قوناعىنا وق اتقان. جەدەل- تەرگەۋ توبى انىقتاعانداي، قاسكوي ستەپنوگور قالاسىنىڭ بۇرىن بىرنەشە رەت سوتتى بولعان 28 جاستاعى تۇرعىنى»، - دەيدى ۆەدومستۆودان.
زارداپ شەككەن ەر ادام نۇر- سۇلتان قالاسىنداعى تراۆماتولوگيا جانە ورتوپەديا عىلىمي- زەرتتەۋ ينستيتۋتىنىڭ جانساقتاۋ بولىمىنە جاتقىزىلدى.
«وسىعان بايلانىستى كۇدىكتىنىڭ ۇستىنەن «ادام ولتىرۋگە وقتالۋ» بابى بويىنشا سوتقا دەيىنگى ءىس قوزعالىپ، تەرگەۋ امالدارى جۇرگىزىلۋدە. كۇدىكتى قاماۋعا الىندى. ودان تەگىس ۇڭعىمالى اڭشى مىلتىعى تاركىلەنىپ، ساراپتاماعا جىبەرىلدى»، - دەپ تولىقتىردى پ د- دان.
اۆتور: اسلان وسپانوۆ