رەسپۋبليكانىڭ وڭتۇستىگىندە تۇندە جاڭبىر جاۋادى. كەي جەرلەردە تۇمان، ەكپىندى جەل، كوكتايعاق، شىعىس پەن ورتالىقتا جاياۋ بۇرقاسىن كۇتىلەدى، دەپ حابارلايدى قازاقپارات.
«قازگيدرومەت» ر م ك- دان ءمالىم ەتكەندەي، شىعىس قازاقستان، قاراعاندى وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن، 15-20 م/س دەيىن جەلدىڭ كۇشەيۋى كۇتىلەدى. قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان، كوكتايعاق، 15-25 م/س دەيىن جەلدىڭ كۇشەيۋى كۇتىلەدى. اقمولا، پاۆلودار وبلىستارىندا جەلدىڭ كۇشى 15-23 م/س ارتادى. جامبىل، اقتوبە، تۇندە جانە تاڭەرتەڭ الماتى وبلىستارىنىڭ كەي جەرلەرىندە تۇمان بولادى. الماتى، جامبىل، تۇركىستان، قىزىلوردا وبلىستارىنىڭ كەي جەرلەرىندە تۇندە 1-5 گرادۋس ۇسىك كۇتىلەدى. سونداي- اق تۇركىستان، قىزىلوردا وبلىستارىنىڭ باسىم بولىگىندە، جامبىل، اقتوبە، قاراعاندى وبلىستارىنىڭ كەي جەرلەرىندە توتەنشە ءورت قاۋپى ساقتالادى.