«ءتورت كۇندە Nur Otan تىركەلگەن مۇشەلەرىنىڭ 84,2 پايىزى نەمەسە 662687 ادام داۋىس بەرگەن. داۋىس بەرۋگە قاتىسقان 581104 پارتيالىق ونلاين فورماتتا تاڭداۋ جاسادى. ال ينتەرنەتكە قوسىلۋ مۇمكىندىگى ءالى شەشىلمەگەن شالعاي اۋدانداردا تۇراتىن 81583 مىڭ ادام قاعاز تۇرىندە داۋىس بەردى»، - دەدى ا. قىرىقباي ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە.
ونىڭ ايتۋىنشا، پرايمەريزگە ۇزىن سانى 10990 كانديدات قاتىسقان جانە ونىڭ 7143 ى ءوزىن-ءوزى ۇسىنعان. ۇمىتكەرلەردىڭ ورتاشا جاسى - 43. ونىڭ 36,7 پايىزدان استامى - ايەلدەر، 29 پايىز - 35 جاسقا دەيىنگى جاستار بولدى.
«نەگىزگى الەۋمەتتىك توپتاردىڭ قامتىلۋىنا كەلسەك، كانديداتتاردىڭ ساپالى قۇرامى قىزمەتتەرىنە قاراي بىلاي ءبولىندى: 31 پايىز - ءبىلىم جانە عىلىم سالاسىنىڭ وكىلدەرى، 14 پايىز - شاعىن جانە ورتا بيزنەس، 7,8 پايىز - مادەنيەت جانە سپورت، 7,1 پايىز - قىزمەت كورسەتۋ سالاسى، 7,2 پايىز - اۋىل شارۋاشىلىعى سالاسى جانە 4,6 پايىز - ونەركاسىپ جانە ەكونوميكانىڭ باسقا سالالارىنىڭ وكىلدەرى»، - دەپ ءتۇسىندىردى پارتيا حاتشىسى.
«پرايمەريز جاڭا الەۋمەتتىك ليفت قىزمەتىن اتقارىپ، قاتىسۋشىلارعا جاريا ساياساتتا وزدەرىن كورسەتۋگە، ءوز كوزقاراستارى مەن ۇستانىمدارىن قورعاي الۋعا مۇمكىندىك بەردى. باسەكە بارىسىن بارشاسى باقىلادى. اركىم ۇگىت- ناسيحاتىن جەكە ستراتەگياسى مەن تاكتيكاسى تۇرعىسىنان جۇرگىزۋگە مۇمكىندىك الدى. قازاقستاننىڭ تۇكپىر-تۇكپىرىندە 1980 پىكىرسايىس وتكىزىلدى. ولار ءتۇرلى سيپاتتا بولدى. جالپى ادامداردىڭ مۇنداي اشىق ساياسي دودا نەگىزدەرىن ەندى عانا يگەرە باستاعانىن ەسكەرسەك، بارلىق پىكىرتالاس ءوز دەڭگەيىندە تارتىمدى جانە قىزىقتى ءوتتى دەۋگە نەگىز بار»، - دەدى ارمان قىرىقباي.
اۆتور: ايجان سەرىكجان قىزى