«تاۋلى قاراباقتاعى جاعداي - وتە نازىك ماسەلە. سوندىقتان دا شيەلەنىس بىرنەشە جىلدان بەرى جالعاسىپ كەلە جاتىر. وسى ورايدا ۇجىمدىق قاۋىپسىزدىك تۋرالى شارت ۇيىمىنا مۇشە قازاقستاننىڭ ازەربايجان ەلىنە مورالدىق قولداۋ كورسەتۋىن سۇرايمىز. ازەربايجان وزگە مەملەكەتتەردەن اسكەري نەمەسە باسقا دا كومەك كورسەتۋىن وتىنبەيدى»، - دەدى ازەربايجاننىڭ قازاقستانداعى توتەنشە جانە وكىلەتتى ەلشىسى راشاد مامەدوۆ.
سونداي- اق، راشاد مامەدوۆ بريفينگ بارىسىندا شەتەلدىك ب ا ق- تىڭ رەسمي اقپاراتقا ساي كەلمەيتىن مالىمەتتەردى جاريالاپ جاتقانىن ايتتى.
«بۇگىندە اقپارات پورتالدارىندا ەكى ەل اراسىنداعى احۋال تۋرالى بەيرەسمي مالىمەتتەر كوبەيىپ كەلەدى. جۋرناليستەر ازەربايجان نەمەسە ارمەنيا ەلىنىڭ رەسمي اقپارات پورتالدارىنان ەمەس، دەرەكتەردى ءۇشىنشى ەلدىڭ ب ا ق بەتتەرىنەن الىپ جاتىر. سوندىقتان قالام ۇستاعان قاۋىمنان تەك رەسمي اقپاراتقا سۇيەنە وتىرىپ، حالىقتى دۇرىس مالىمەتپەن قامتاماسىز ەتۋدى سۇرايمىن. بۇل - وتە ماڭىزدى. مۇنى ازەربايجان پرەزيدەنتى تاياۋدا وتكەن ب ۇ ۇ- نىڭ 75- سەسسياسىندا دا اتاپ وتكەن بولاتىن. ءبىز سوعىستى قالامايمىز. دەگەنمەن بىزگە تيەسىلى اۋماق ءوز مەنشىگىمىزدە قالۋى ءتيىس» ، - دەپ اتاپ ءوتتى ازەربايجاننىڭ قازاقستانداعى توتەنشە جانە وكىلەتتى ەلشىسى راشاد مامەدوۆ.
سونداي- اق، بۇگىن ارمەنيا قورعانىس مينيسترلىگىنىڭ وكىلى ارتسرۋن وۆاننيسيان ءبىرىڭعاي اقپارات ورتالىعىندا وتكەن بريفينگتە ستەپاناكەرت قالاسىندا اتىس بولعانىن مالىمدەدى.
«جالپى، وتكەن تۇندە اتالعان ايماقتا ءبىرشاما تىنىش بولدى، كەي باعىتتاردا عانا اتىس تىيىلمادى. الايدا تاڭەرتەڭ جاعداي قايتا شيەلەنىستى» دەدى ول بريفينگتە.
ارمەنيا قورعانىس مينيسترلىگىنىڭ باسپا ءسوز حاتشىسى شۋشان ستەپانياننىڭ حابارلاۋىنشا، ستەپاناكەرت قالاسىندا ءجيى- ءجيى زىمىران سوققىسى تىركەلىپ وتىر. ەسكە سالا كەتەيىك، ازەربايجان مەن ارمەنيا اراسىنداعى قاقتىعىس 27 -قىركۇيەكتە باستالعان بولاتىن.
اۆتور: ءاليحان اسقار ۇلى