ولار ءالى «ەرتە عوي»، «تاعى شامالى ويناي تۇرايىنشى»، «ۇيگە ءوزىم كىرەمىن» دەپ شاعىمدانادى. كەي اتا- انا «بالا ءالى ءبىراز ويناۋى ءتيىس» دەپ جاتادى. نەگىزىنەن، ءسىزدىڭ ۇستانىمىڭىز وتە دۇرىس.
نەگە دەپ ويلايسىز؟ سەبەبى، بالا ەرتەرەك ۇيىقتاسا، بەرەر پايداسى مول. ولارعا فيزيكالىق تۇرعىدا كومەك بولادى، كوڭىل- كۇيى سەرگيدى ءارى تانىمى داميدى. كەي وتباسىلار زاڭدىلىقتارىنا ەرتە ۇيىقتاۋ مۇلدەم سايكەس كەلمەيدى. بالالاردى كۇن سايىن ەرتە جاتقىزۋ وڭاي ەمەس. تىم بولماسا، بىرتىندەپ باستالسا، ۋاقىت وتە ءوزى دە ۇيرەنىپ كەتەدى.
كەي بالالار وزىنە تيەسىلى ۋاقىتپەن ۇيىقتامايدى. ا ق ش- تا وتكىزىلگەن ساۋالناما بويىنشا 11 جاسقا دەيىنگى بالالاردىڭ 0 جانە جاس وسپىرىمدەردىڭ جارتىسى ءوز ۋاقىتىندا ۇيىقتامايدى ەكەن. زەرتتەۋ بويىنشا كەش ۇيىقتاعان بالا ءتۇن ورتاسىندا ءجيى ويانىپ الادى، سول سەبەپتى ۇيقى جوعالا باستايدى. ال ەرتە ۇيىقتاعان بالا ۇزاق دەمالادى ءارى ەرتەسىنە سەرگەك جۇرەدى. ءبىراق، ونى كۇندەگىدەن 20 مينۋت ەرتە ۇيىقتاتۋ - ۇزاق ۇيىقتاعانى سانالمايدى.
ەرتە ۇيىقتاۋدىڭ پايداسى
زەرتتەۋشىلەر 7-11 جاس ارالىعىنداعى بالالاردىڭ اتا- انالارىنا ولاردى ەرتە جاتۋعا ۇگىتتەۋىن سۇراعان. ولار كۇندەگىدەن بار بولعانى 27 مينۋت ەرتە ۇيىقتاي العان ەكەن. ا ق ش- تىڭ مەكتەپ مۇعالىمدەرى 8-12 جاس ارالىعىنداعى بالالارعا جۇرگىزگەن زەرتتەۋدە ەرتە ۇيىقتاعان بالانىڭ ەستە ساقتاۋ جانە زەيىن قويۋ قابىلەتى جاقسارا تۇسكەن.
توسەگىنە ەرتە جاتقان بالالار كەش جاتقان بالالارعا قاراعاندا ءوزىن الدەقايدا سالماقتى ۇستايدى ءارى اشۋشاڭ بولمايدى. ويتكەنى، مي ءجيى تىنىعاتىن بولادى. ەرتە جاتۋ تەك بالالارعا عانا ەمەس، جاسوسپىرىمدەرگە دە پايدالى. كەشكى ساعات 22.00 گە دەيىن ۇيىقتاعان بالا وزگەلەرگە قاراعاندا $ كۇيزەلىسكە تۇسپەيدى جانە سۋيتسيد تۋرالى ويلامايدى ەكەن. ويتكەنى، قورقىنىشتى ويلار تۇندە ورالادى.
كەيبىر جاسوسپىرىمدەر تۇندە ءبىراز ۋاقىت ۇيىقتاماي ءجۇرىپ، «سەنبى- جەكسەنبى ۇيقىمدى قاندىرارمىن» دەپ ويلاپ، دەمالىس كۇندەرىن ۇيىقتاۋعا ارناپ جاتادى. بۇل - ۇلكەن قاتەلىك. بۇدان بالا الاڭعاسار بولا باستايدى. ۇيقىسى قانباعان بالا سالماق قوسۋعا بەيىم بولادى. دارىگەرلەر مۇنىڭ سەبەبىن ءالى انىقتاي العان جوق.
بالا نەشەدە ۇيىقتاۋى كەرەك؟
بالاعا نەشەدە ۇيىقتاعان دۇرىس؟ وكىنىشكە وراي، ناقتى جاۋاپ جوق. ءبارى جاسقا، كۇن تارتىبىنە جانە باسقا دا فاكتورعا بايلانىستى. سوندىقتان، ءبىر كۇنى تاجىريبە جاساپ، ەرتەڭىنە بالانىڭ كوڭىل- كۇيىنە، ءوزىن- ءوزى ۇستاۋىنا ءمان بەرۋ كەرەك.
بەلگىلى ءبىر ۋاقىت ارالىعىندا بالانى 20 مينۋت ەرتەرەك جاتقىزۋعا تىرىسىڭىز. ەگەر بالا ەش قيىندىقسىز ۇيىقتاسا، دەمەك وسى ءادىس وعان اۋاداي قاجەت دەگەن ءسوز. ۇيىقتاعانعا دەيىن 1-2 ساعات بۇرىن بالا تەلەفون ۇستاپ نەمەسە تەلەديدار قاراپ وتىرماعانىنا كوز جەتكىزىڭىز. جالپى ادام بالاسى ۇيقى الدىندا ەش نارسەگە الاڭداماعانى دۇرىس.
بالا ەرتە جاتۋ ءۇشىن ءسىزدىڭ تاراپتان دا كومەك كەرەك. بالانى تەلەديدارمەن الاڭداتپاڭىز، داۋسىن، مەيلىنشە ازايتىپ قويعان ءجون. ءوزىڭىز دە تەلەفونعا تەلمىرمەڭىز. ۇلكەندەردىڭ ماسەلەسىن ولاردىڭ الدىندا، وعان قوسا، ۇيىقتار الدىندا قوزعاماڭىز. بالانى، جالپى ءۇيدى تۇنگى ۇيقىعا دايىنداۋ كەرەك. جاتار الدىندا داۋىس كوتەرىپ سويلەپ، ءۇيدىڭ مازاسىن قاشىرماعان ابزال.
massaget.kz