قازىر قۇستار شاھار ماڭىنداعى قاراكول اۋماعىنا ايالداعان. مامانداردىڭ ايتۋىنشا، اقتاۋعا قوقيقازدار اقمولا وبلىسىنداعى قورعالجىن مەملەكەتتىك تابيعي قورىعىنىڭ اۋماعىنداعى تەڭىز جانە قورعالجىن كولدەرىنەن ۇشىپ كەلگەن. اۋا رايى سۋىتقان سوڭ وڭتۇستىككە، ياعني حازار قورىعىنا نەمەسە ودان دا ءارى يران جاققا ءوتىپ كەتەدى. قاراكول اۋماعى - «قىزىل كىتاپقا» ەنگەن قاناتتىلار تۇراقتايتىن مەكەن. سوندىقتان دا بۇل جەر تابيعات قورعاۋ ينسپەكتورلارىنىڭ ءجىتى باقىلاۋىندا.
ايتا كەتەيىك، قىزعىلت تۇستەس، ءىرى دەنەلى قۇستار، نەگىزىنەن تروپيكالىق ەلدەردە ۇيا سالادى.
اۆتور: قاراكوز مارات