بۇل تۋرالى ءۇشقۇدىق اۋدانى اكىمدىگىنىڭ باسپا ءسوز قىزمەتى Telegram كانالىندا ءمالىم ەتتى، دەپ حابارلايدى قازاقپارات.
بالقى بازار جىراۋ بيۋسىنىڭ اشىلۋ سالتاناتى 3- قازان كۇنى ءوتتى. شاراعا اۋدان اكىمى س. حامرويەۆ، ءۇشقۇدىق اۋدانى قازاق مادەني ورتالىعىنىڭ قىزمەتكەرلەرى، اعا بۋىن جانە ب ا ق وكىلدەرى قاتىستى. بيۋست ورناتار الدىندا جالپاقتاۋداعى بازار جىراۋدىڭ بەيىتى اباتتاندىرىلعان.
بازار جىراۋ وڭداس ۇلى 1842 -جىلى قازاقستان رەسپۋبليكاسى قىزىلوردا وبلىسىنىڭ قارماقشى اۋدانىندا دۇنيەگە كەلگەن. ەل اراسىندا بالقى بازار دەپ تانىلعان. ءومىرىنىڭ سوڭعى جىلدارىن جالپاقتاۋ جايلاۋىندا، اقبوگەت توپىراعىندا وتكىزدى. 1911 -جىلى دۇنيە سالىپ، جالپاقتاۋعا سۇيەگى قويىلعان. بازار جىراۋدى سىر بويىنىڭ اقىن- جىراۋلارى، تەرمەشىلەرى وزدەرىنە ۇستاز ساناعان. ونىڭ تۋىندىلارى «تەرمە»، «ءۇش عاسىر جىرلايدى» جيناقتارىنا ەنگەن.