27 - قىركۇيەكتە باستالعان قاراباق جانجالى ايماعىنداعى احۋال تاراپتار تۇيىسەتىن بارلىق جەلىدە كۇردەلى بولىپ تۇر. ازەربايجان مەن ارمەنيا قورعانىس ۆەدومستۆولارىنىڭ مالىمەتتەرىنە قاراعاندا، جانجال ايماعىندا ارتيللەريا، ساۋىتتى تەحنيكا، اتىس قارۋلارى قولدانىلىپ جاتىر.
«ءتۇنى بويى احۋال ءبىرشاما تۇراقتى ءارى شيەلەنىستى بولدى. جەكەلەگەن ۋچاسكەلەردە ارتيللەريا جانە اتىس قارۋلارىن قولدانۋ جالعاستى. قازىرگى ۋاقىتتا مايداننىڭ بارلىق باعىتىندا سوعىس ءىس- قيمىلدارى قايتا جانداندى»، - دەلىنگەن 2- قازان كۇنى ارمەنيا ۇكىمەتى جانىنداعى ءبىرىڭعاي اقپاراتتىق ورتالىق تاراتقان اقپاراتتا.
«تۇندە جانە 2 - قازان كۇنى تاڭەرتەڭ سوعىس ءىس- قيمىلدارى مايداننىڭ ءتۇرلى باعىتتارىندا جالعاستى»، - دەپ حابارلادى ءوز كەزەگىندە ازەرتادج ازەربايجان قورعانىس مينيسترلىگىنە سىلتەمە جاساپ.
وسىعان بايلانىستى ە ق ى ۇ- نىڭ مينسك توبىنا كىرەتىن رەسەي، ا ق ش جانە فرانسيا ەلدەرىنىڭ پرەزيدەنتتەرى تاراپتاردى شۇعىل تۇردە سوعىس قيمىلدارىن توقتاتۋعا شاقىرعان ەدى. سونداي- اق ق ر سىرتقى ىستەر مينيسترلىگى ارميان- ازەربايجان قاقتىعىسىنىڭ ۋشىعۋىنا بايلانىستى مالىمدەمە جاساعان بولاتىن.
اۆتور: مارلان جيەمباي