بريۋسسەلدىڭ قارجىلاندىرۋى مىڭداعان تۇرعىندى مەديتسينالىق قىزمەتپەن جانە قۇرىلعىلارمەن، ازىق-تۇلىكپەن جانە باسقا دا جەدەل كومەكپەن قامتاماسىز ەتۋگە مۇمكىندىك بەرەدى.
«تاۋلى قاراباق ايماعىنداعى اسكەري قاقتىعىس بەيبىت تۇرعىنداردىڭ ءومىرىن قيىپ جاتىر. حالىقارالىق گۋمانيتارلىق قۇقىقتى ساقتاپ، ازاماتتار مەن ينفراقۇرىلىمدى قورعاي الاتىنىمىزعا كەپىل بولۋىمىز كەرەك. ەۋرووداق زورلىق-زومبىلىقتان زارداپ شەككەن ادامدارمەن بىرگە بىرلىككە شاقىرادى جانە گۋمانيتارلىق كومەك كورسەتۋىن توقتاتپايدى. اسكەري قاقتىعىستى دەرەۋ توقتاتۋعا شاقىرامىز»، - دەدى ە و- نىڭ داعدارىس بويىنشا باسقارماسىنىڭ كوميسسارى يانەز لەنارچيچ.
باستاپقى قارجىلاندىرۋ 500 مىڭ ەۋرونى قۇرايدى. ونى حالىقارالىق قىزىل كرەست كوميتەتى سىندى ە و- نىڭ گۋمانيتارلىق سەرىكتەستەرى زارداپ شەككەندەرگە كومەك كورسەتۋ ءۇشىن جۇمسايدى.
ە و- نىڭ بارلىق قارجىلاندىرۋى ىزگىلىك، بەيتاراپتىق جانە تاۋەلسىزدىك قاعيداتتارىنا سايكەس بەرىلەدى جانە حالىقارالىق ۇيىمدار، ونىڭ ىشىندە ب ۇ ۇ اگەنتتىكتەرى مەن ۇ ە ۇ ارقىلى جىبەرىلەدى.