«ەڭبەك رەسۋرستارىن دامىتۋ ورتالىعى» ا ق- نىڭ مالىمەتىنشە، دەگەنمەن دە، الماتى مەن نۇر-سۇلتاننىڭ ناقتىلى ماندەگى تابىس دەڭگەيى ەلدەگى ەڭ جوعارى بولىپ قالۋدا - سايكەسىنشە 224,3 مىڭ جانە 241,3 مىڭ تەڭگە. تالداۋ بارىسىندا جان باسىنا شاققانداعى كىرىستىڭ ەڭ جوعارى جانە ەڭ تومەنگى ءوسىمى بار وڭىرلەر انىقتالعان.
تابىسى وسكەن وڭىرلەر:
اقمولا (%16,1)، قىزىلوردا (%14,2) جانە تۇركىستان (%12,8) وبلىستارى.
بۇل رەتتە، قىزىلوردا مەن تۇركىستان وبلىستارىنىڭ جان باسىنا شاققانداعى ورتاشا تابىسى رەسپۋبليكالىق كورسەتكىشتەن تومەن بولىپ وتىر. كورسەتكىشتەر سونداي-اق جامبىل وبلىسى مەن شىمكەنت قالاسىندا تومەن ەكەندىگى انىقتالعان. ال رەسپۋبليكالىق دەڭگەيدەن اساتىن كورسەتكىشتەر نۇر-سۇلتان مەن الماتى قالالارىندا، قاراعاندى، ماڭعىستاۋ جانە شىعىس قازاقستان وبلىستارىندا تىركەلدى.
جالپى، حالىقتىڭ ورتاشا جان باسىنا شاققانداعى اقشالاي تابىسى 2020-جىلدىڭ ەكىنشى توقسانىندا وتكەن جىلدىڭ سايكەس كەزەڭىمەن سالىستىرعاندا %7,6 ءوستى جانە ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتى بويىنشا 182,5 مىڭ تەڭگەنى قۇرادى.