نۇر- سۇلتاندا ستۋدەنتتىك ۇيلەر كەشەنى بوي كوتەرەدى

نۇر- سۇلتان. قازاقپارات - ەلوردادا ەۋرازيا ۇلتتىق ۋنيۆەرسيتەتىنىڭ ستۋدەنتتەر ءۇيى كەشەنى قۇرىلىسىنىڭ العاشقى ىرگەتاسى قالاندى، دەپ حابارلايدى قازاقپارات.

قالا اكىمدىگىنىڭ رەسمي سايتىندا ءمالىم ەتىلگەندەي، جاتاقحانا 2361 ورىنعا ەسەپتەلگەن. قۇرىلىس ق ر تۇڭعىش پرەزيدەنتى ن. نازاربايەۆتىڭ «بەس الەۋمەتتىك باستاماسى» ۇندەۋىندە بەلگىلەنگەن مىندەتتەردى ىسكە اسىرۋ شەڭبەرىندە جەكە ينۆەستيتسيالار ەسەبىنەن جوسپارلانعان.

«جاپلپى اۋدانى 45 مىڭ شارشى مەتردى قۇرايتىن جاتاقحانا بەس قاباتتان، ءۇش بلوكتان تۇرادى. احمەت بايتۇرسىنوۆ پەن كەنەن ازىربايەۆ كوشەلەرىنىڭ قيىلىسىندا سالىناتىن بولادى. وندا ستۋدەنتتەردىڭ جايلى تۇرۋى، وقۋى، دەمالۋى ءۇشىن جاعدايلار جاسالاتىن بولادى. جاتاقحانادا جانە ونىڭ اۋماعىندا تاماقتانۋ ورتالىقتارى، دەمالىس ورتالىقتارى، ترەناجەر زالدارى، سپورت الاڭدارى، دۇكەندەر جانە ت. ب. بولادى»، - دەپ اتاپ ءوتتى ۋنيۆەرسيتەت وكىلدەرى.

وقۋ ورنى وكىلدەرىنىڭ ايتۋىنشا، بۇل - ۋنيۆەرسيتەت تاريحىنداعى ەڭ اۋقىمدى جوبا جانە ستۋدەنتتەر اراسىندا جاتاقحانالارداعى ورىن جەتىسپەۋشىلىگى ماسەلەسىن تولىعىمەن شەشەدى.