دەپ حابارلايدى قازاقپارات وزبەكستان رەسپۋبليكاسى پرەزيدەنتىنىڭ رەسمي سايتىنا سىلتەمە جاساپ.
كەڭەستىڭ سەگىزىنشى سەسسياسىنا وزبەكستان رەسپۋبليكاسىنىڭ پرەزيدەنتى شاۆكات ميرزييەۆ قاتىستى. جيىندا اقساقالدار كەڭەسىنىڭ شەشىمىمەن جوعارعى كەڭەس ءتوراعاسى قىزمەتىنە مۇرات قاللىبەك ۇلى كامالوۆتىڭ كانديداتۋراسى ۇسىنىلىپ، وعان وزبەكستان باسشىسى قولداۋ ءبىلدىردى. ناتيجەسىندە دەپۋتاتتاردىڭ جاسىرىن داۋىس بەرۋى ارقىلى مۇرات كامالوۆ قاراقالپاقستان رەسپۋبليكاسى جوعارعى كەڭەسىنىڭ ءتوراعاسى قىزمەتىنە سايلاندى.
«مەن مۇرات كامالوۆپەن كوپ جىلدان بەرى تانىسپىن. ەڭ الدىمەن، م. كامالوۆ ادال ءارى پاتريوت ادام. ول قاي جەردە قىزمەت اتقارسا دا، قاراقالپاق حالقىنىڭ قامقورلىعىنا بولەنگەنىن كوردىم. بۇل - ەڭ باستى قاسيەت. م. كامالوۆ اكەسى قاللىبەك كامالوۆتىڭ، مارقۇم مۇسا ەرنيازوۆتىڭ ءىسىن جالعاستىرىپ، حالىقتىڭ ءومىرىن جاقسارتۋ جولىندا ايانباي ەڭبەك ەتەتىنىنە سەنىمدىمىن»، - دەدى وزبەكستان رەسپۋبليكاسىنىڭ پرەزيدەنتى شاۆكات ميرزييەۆ.
قاراقالپاقستان رەسپۋبليكاسى كونستيتۋتسياسىنىڭ 80-بابىنا سايكەس، جوعارعى كەڭەستىڭ ءتوراعاسى قاراقالپاقستاننىڭ باسشىسى جانە جوعارى لاۋازىمدى تۇلعاسى بولىپ تابىلادى.
ەسكە سالا كەتەيىك، اعىمداعى جىلدىڭ شىلدە ايىندا 18 جىل قاراقالپاقستان رەسپۋبليكاسى جوعارعى كەڭەسىنىڭ ءتوراعاسى قىزمەتىن اتقارعان مۇسا ەرنيازوۆ ومىردەن وزعان بولاتىن.
اۆتور: ءاليحان اسقار ۇلى