مەملەكەت «قۇس تۇماۋىنان كەتكەنى دالەلدەنبەگەن جاعدايدا اقشا بەرۋ ماسەلەسى ءتىپتى تالقىلانبايدى» دەگەنگە كەلتىرەدى. ال قۇس وسىرۋشىلەر وداعى «تۇماۋ بولماعاندا قىرىلماۋشى ەدى» دەپ دابىل قاعۋدا.
گۇلزيا ناقىپ قىزى، ءتىلشى:
- قازاقستاندا تۇماۋ ەپيدەمياسى باستالعالى قىرىلعان 588 مىڭ تاۋىقتىڭ 329 مىڭى قۇس تۇماۋىنان ولگەن. ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى تۇرسىن قابدولدانوۆتىڭ ايتۋىنشا، قالعانى تابيعي شىعىن ەكەن. ءباسپاسوز ءماسليحاتىندا كوميتەت باسشىسىنا س ق و- عا قاراستى ياكور اۋىلىنداعى فابريكادا 520 مىڭنان استام قۇستىڭ نەدەن قىرىلعانى جونىندە سۇراق قويىلدى. مامان بىلاي دەپ جاۋاپ بەردى.
تۇرسىن قابدولدانوۆ، ق ر اشم ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى:
- ول اۋىلداعى قۇس فابريكاسىنا بارىپ، جۇمىس توبى ءمان- جايدىڭ ءبارىن تەكسەردى. تەكسەرىس كەزىندە انىقتالعانىنداي، ونداعى ولگەن قۇستاردىڭ 256 مىڭى اۋانىڭ جەتپەگەنىنەن تۇنشىعىپ ولگەن. ول قۇس تۇماۋىنان ەمەس. جالپى فابريكالاردى تەكسەرگەن كەزدە بىزدە قۇس ءوندىرۋشى كاسىپورىنداردىڭ مىندەتتەرى - جابىق كۇيدەگى مەكەمە رەتىندە تانىلۋى كەرەك. سوندىقتان ول جەردە ۆاكتسينا قولدانىلمايدى. الەمدىك تاجىريبە سولاي.
61 فابريكانىڭ ەكەۋى تەكسەرىلدى. جانە تالاپقا ساي كەلمەي وتىر. زەرتحاناعا اكەلىنەتىن ارنايى سىنامانىڭ الىنۋ ءتارتىبى بار. قۇستىڭ تۇنشىعىپ ولگەنىن راستايتىن اكتىلەر دە تابۋعا بولادى. سوعان بايلانىستى ناقتى قۇس تۇماۋىنان قىرىلعانى دالەلدەنگەن جاعدايدا عانا ۇكىمەتتىڭ ەسەبىنەن قۇستىڭ ورتاشا باعاسى تولەنەدى. ال جەكەلەي مەكەمەلەر ۇستاپ وتىرعان قۇستىڭ قاۋىپسىزدىگىن قامتاماسىز ەتپەسە، وعان مەملەكەت تاراپىنان قارجى جۇمسالىپ، شىعىنى وتەلمەيدى.
«زاڭدى تالاپتار وسىنداي» ، - دەدى تۇرسىن قابدولدانوۆ.
تۇرسىن قابدولدانوۆ، قر اشم ۆەتەريناريالىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى:
- قۇس ءوسىرۋشى بولىپ ىستەگەن مامان ۆەتەرينارلىق دارىگەر بولىپ كەتكەن. مامان بولماعاننان كەيىن ول جەردەگى ۆەتەرينارلىق تالاپتاردىڭ ورىندالۋى ەكىۇشتى ماسەلە. سول مەكەمەلەردى تەكسەرىپ بارۋ ءۇشىن وڭايلىقپەن كىرە المايسىڭ. موراتوري بارىن بىلەسىزدەر. قۇس فابريكالارىن ءجيى تەكسەرۋگە مۇمكىندىك تاعى جوق.
دەگەنمەن، قۇس وندىرۋشىلەر وداعى بۇل اقپاراتتارمەن كەلىسپەيتىنىن جەتكىزدى. ولار تۇماۋدان ولگەن قۇستاردىڭ سانى ەداۋىر كوپ ەكەنىن ايتادى. بۇل ۆيرۋس بارلىق قۇس شارۋاشىلىعىن جايلاۋى مۇمكىن دەگەن دە بولجام ايتتى.
رۋسلان ءشارىپوۆ، قازاقستان قۇس وسىرۋشىلەر وداعىنىڭ پرەزيدەنتى:
- بۇل ساندار قۇس فابريكالارى باسشىلارىنىڭ سوزدەرىنەن الىنعان. سوندىقتان ءبىز بۇل اقپارات جالعان ەمەس دەپ سانايمىز. ولاردىڭ بارلىعى 1 ميلليون 268 مىڭ 762 قۇس قىرىلدى دەپ وتىر. 692 مىڭ ايىرماشىلىق بولۋى مۇمكىن ەمەس. بۇل - قاتەلىك.
سوڭعى كورسەتكىشتەر قۇس ءولىمى قارقىنىنىڭ تومەندەگەنىن كورسەتىپ وتىر. ماسەلەن، سوڭعى تاۋلىكتە تۇركىستان، جامبىل، اقتوبە، قاراعاندى وبلىستارىندا، شىمكەنت قالاسىندا قۇس تۇماۋىنان قىرىلۋ جاعدايى توقتاعان.
www.24.kz