ناتو ازەربايجان مەن ارمەنيانى قاقتىعىستى دوعارۋعا شاقىردى
19:32, 28 - قىركۇيەك 2020
الماتى. قازاقپارات - ەۋروپالىق وداق ازەربايجان مەن ارمەنيانىڭ تەز ارادا اسكەري قيمىلداردى توقتاتۋعا شاقىردى. بۇل تۋرالى ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەل مالىمدەدى.
جوزەپ بوررەل، ەۋرووداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى:
- تاۋلى كاراباحتاعى قاقتىعىستى رەتتەۋ ءۇشىن ە ق ى ۇ مينسك توبىنىڭ تەڭ ءتوراعا ەلدەرىنىڭ اياسىندا ەش تالاپ- شارتسىز شۇعىل تۇردە كەلىسسوز باستاۋ كەرەك.
ناتو باس حاتشىسىنىڭ ورتالىق ازيا بويىنشا ارنايى وكىلى دجەيمس اپپاتۋرا دا تاراپتاردى قاقتىعىستى دەرەۋ توقتاتۋعا شاقىردى. سولتۇستىك اليانس باسشىسىنىڭ وكىلى بۇل جانجال اسكەري جولمەن شەشىلمەيتىنىن ايتىپ بەيبىت كەلىسسوزدەردى باستاۋ قاجەتتىگىن ايتتى. وسى رەتتە ناتو ەۋروپالىق قاۋىپسىزدىك جانە ىنتىماقتاستىق ۇيىمىنىڭ مينسك توبىن قولدايتىنىن مالىمدەدى.