ۇكىمەتتە جاڭا اگرارلىق ج و و اشۋ ماسەلەسى قاراستىرىلۋدا
سولتۇستىك قازاقستان وبلىسى اكىمىنىڭ باسپا ءسوز قىزمەتىنىڭ مالىمەتىنشە، بۇگىن ءوڭىر باسشىسى قۇمار اقساقالوۆ پەتروپاۆلدا سالىنىپ جاتقان ءبىرقاتار قۇرىلىس نىسانىن ارالادى. سولاردىڭ ءبىرى - م. قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ جاڭا كورپۋسى.
بۇل جەردە ينجەنەريا، سيفرلىق تەحنولوگيا، كولىك، ماشينا جاساۋ، ەنەرگەتيكا جانە راديوتەحنيكا، ازىق- تۇلىك قاۋىپسىزدىگى، اگرونوميا، ورمان شارۋاشىلىعى جانە مەديتسينا سياقتى سالالاردى قامتىعان 73 زەرتحانا ورنالاسپاق.
«قيىن ەكونوميكالىق جاعدايعا قاراماستان ماڭىزدى جوبانى قولعا الدىق. ەلىمىزدە سوڭعى جىلدارى ۋنيۆەرسيتەتتەر ءۇشىن جاڭا كورپۋستار سالىنعان ەمەس. سونداي- اق جەرگىلىكتى جوعارى وقۋ ورنىنا سوڭعى 5 جىلدا كەشەندى قوندىرعى الىنباعان. ينجەنەريا، اۋىل شارۋاشىلىعى جانە عىلىمي باعىتتار بويىنشا زەرتحانالار اككرەديتتەلەدى. ناتيجەسىندە عىلىمدى جانە ءوڭىر ەكونوميكاسىن دامىتۋعا جۇمىس ىستەمەك. «جەردى قاشىقتان زوندتاۋ» زەرتحاناسى اۋىل شارۋاشىلىعىن سيفرلاندىرۋعا قاجەت. ال، بۇل، ءوز كەزەگىندە از شىعىنمەن مول ءونىم الۋعا مۇمكىندىك بەرەدى»، - دەيدى قۇمار اقساقالوۆ.
كورپۋستا مەديتسينانىڭ جوعارى مەكتەبىنىڭ ستۋدەنتتەرىنە ارنالعان زەرتحانالار دا قاراستىرىلعان. ماسەلەن، حيرۋرگيا، انەستەزيولوگيا جانە رەانيماتسيا كابينەتتەرى بولادى. ستۋدەنتتەر روبوتتاردا، مۋلياجداردا ترەناجەرلار مەن سيمۋلياتورلاردا وزدىگىنەن شەبەرلىكتەرىن شىڭداماق. جوعارى وقۋ ورنى وقىتۋشىلارىنىڭ ەڭبەكاقىسى دا ارتقان. قازىر ورتاشا ەڭبەكاقى - 264 مىڭ تەڭگە. 1 - قىركۇيەكتەن وقىتۋشىلاردىڭ تابىسى % 20 ارتسا، 1 - قازاننان باستاپ قالعان قىزمەتكەرلەردىڭ ەڭبەكاقىسى % 10 كوبەيمەك.
«قازىر ۇكىمەتتە پەتروپاۆلدا اگرارلى ۋنيۆەرسيتەت اشۋ ماسەلەسى قارالىپ جاتىر. بۇل ەلىمىزدە عانا ەمەس، وبلىستا اگرارلىق عىلىمدى دامىتۋعا سەرپىن بەرەدى. جوعارى وقۋ ورنى اگروونەركاسىپتىك كەشەنگە قاجەت مامانداردى دايارلار ەدى»، - دەيدى وبلىس اكىمى.
س ق و- دا ستۋدەنتتەر جاتاقحاناسىنىڭ جەتىسپەۋشىلىگى ماسەلەسى دە بىرتىندەپ شەشىلىپ جاتىر. قازىر 306 ورىنعا شاقتالعان جانە 244 ادامدىق ەكى جاتاقحانا سالىنىپ جاتىر. ولار قولدانىسقا بەرىلۋىمەن قاجەتتىلىك 1044-كە قىسقارادى. 1200 ورىنعا ارنالعان تاعى ءبىر جاتاقحانانىڭ قۇرىلىسى جوسپاردا بار. ونىڭ جۇزەگە اسۋىمەن جاتاقحانا ماسەلەسى تولىعىمەن شەشىلمەك.
اۆتور: اقەركە داۋرەنبەك قىزى