بۇيرابەكوۆا دەنساۋلىق ساقتاۋ مينيسترلىگىنەن كەتۋ سەبەبىن جانە كوروناۆيرۋستىڭ جاڭا تولقىنى تۋرالى ايتتى

نۇر-سۇلتان. قازاقپارات - اڭگىمە بارىسىندا ول قىزمەتىنەن نەگە كەتكەنىن، قازاقستاندا جاڭا لوكداۋن قاشان ەنگىزىلۋى مۇمكىن ەكەنىن ايتتى.

Tengrinews.kz ءتىلشىسى بۇرىنعى دەنساۋلىق ساقتاۋ ۆيتسە-ءمينيسترى ليۋدميلا بۇيرابەكوۆامەن بايلانىسقا شىقتى.

دەنساۋلىق ساقتاۋ مينيسترلىگىنەن كەتۋى

ليۋدميلا بۇيرابەكوۆا دەنساۋلىق ساقتاۋ مينيسترلىگىنەن كەتۋ تۋرالى شەشىمگە «سانالى» تۇردە كەلگەنىن ايتتى.

«مەنەدجمەنت سالاسىندا بىلاي دەيدى، بەلگىلى ءبىر جەردە ءۇش جىل جۇمىس ىستەگەننەن كەيىن باسقا ءبىر نارسە جاساۋ كەرەك. دەنساۋلىق ساقتاۋ مينيسترلىگىندە ءۇش جىل جۇمىس ىستەدىم. 2017 -جىلدىڭ تامىزىندا فارماتسيا كوميتەتىنە كەلدىم، كەيىن ونى قوعامدىق دەنساۋلىق ساقتاۋ كوميتەتىمەن بىرىكتىردى.

ءۇش قىزمەت، سانەپيدەميولوگيالىق قاداعالاۋ، مەديتسينالىق جانە فارماتسيەۆتيكالىق باقىلاۋ ءبىر كوميتەتكە بىرىكتىرىلدى. سودان كەيىن ولار قايتا قۇرىلدى.

كەي ساراپشىنىڭ ايتۋىنشا، بىرلەسىپ جۇمىس ىستەگەن جاقسى. ءبىراق قازىرگى جاعدايدا، پاندەميادا، بۇل نەگىزى بار شەشىم، سانەپيدەميولوگيالىق قاداعالاۋدى جەكە قىزمەتكە ءبولدى، ونى شىنىمەن كۇشەيتۋ قاجەت.

شىنىمدى ايتسام، ءبىز توعىز اي تاۋلىك بويى جۇمىس ىستەدىك، ەپيدەميولوگتار دا ءسويتتى. ولارعا قيىن بولدى، كەيبىر ارىپتەستەرىمىزدەن ايىرىلدىق»، - دەدى ليۋدميلا بۇيرابەكوۆا.

ونىڭ پايىمداۋىنشا، سانەپيدەميولوگيالىق قاداعالاۋدى كۇشەيتۋ كەرەك، ەپيدەميولوگتار جالاقىنى جانە جابدىقتاردى كوبەيتۋ كەرەك، اسىرەسە كوروناۆيرۋس ينفەكسياسىنىڭ ەكىنشى تولقىنى بولعان جاعدايدا.

جاڭا تولقىنمەن كۇرەسۋگە دايىندىق

سونداي-اق، ليۋدميلا بۇيرابەكوۆا كوروناۆيرۋستىڭ جاڭا تولقىنىنا دايىندىق جانە العاشقى كارانتين تاجىريبەسى تۋرالى ايتتى. ول قازاقستاندىقتار الەمنىڭ كوپتەگەن ەلىندە بولعان وقيعالاردى باستان كەشىرگەنىن ءتۇسىندىردى.

«ءبىز كارانتيندى قاتتى السىرەتكەن كەزدە، مامىردىڭ سوڭىندا، ادامدار ءبارى اياقتالدى دەپ ويلاپ قالدى، جاپپاي قارىم- قاتىناس باستالىپ، الەۋمەتتىك بايلانىستار ارتتى، ناتيجەسىندە اۋرۋ جۇقتىرعاندار كوبەيدى.

سونىمەن قاتار، ءداستۇرلى كوكتەمگى ينفەكسيالار، سول تۇماۋ، پاراگريپپ قاباتتاستى. بۇعان دەيىن بارلىعى ۇيدە وتىردى جانە بۇل ينفەكتسيالار ماۋسىم مەن شىلدەگە قالدى»، - دەپ ءتۇسىندىردى بۇيرابەكوۆا.

ونىڭ ايتۋىنشا، قازىر بارلىعى بارىنشا دايىن: توسەك- ورىن قورى مەن ماتەريالدىق جابدىقتاۋ، رەنتگەن، جاساندى تىنىس الدىرۋ اپپاراتتارى، كومپيۋتەرلىك توموگرافتار، ءدارى- دارمەكتەر. «س ق- فارماتسيا» ءبىرىڭعاي ديستريبيۋتورى بولشەك ءدارىحانالاردى ءدارى- دارمەكتەرمەن تولتىرۋ قۇقىعىنا يە بولدى، بۇعان دەيىن مۇنداي مۇمكىندىك بولماعان. «س ق- فارماتسيا» قويمالارىندا جاتقان دارىلەر اۋرۋحانالارعا ارنالعان ەدى.

ليۋدميلا بۇيرابەكوۆا ادامدار ءدارى-دارمەكتەردى جاپپاي ساتىپ الا باستاعان كەزەڭدى، پاراتسەتامول، انتيبيوتيكتەر، سونداي-اق كوروناۆيرۋس ينفەكسياسىنا اسەرى جوق بولىپ شىققان «ينگاۆيرين» پرەپاراتى سورەلەردە تاۋسىلعان كەزدى ەسىنە الدى، ايتۋىنشا، مۇنداي ارەكەتتەر نەگىزسىز.

«مۇنداي پاندەميامەن ەشكىمدە تاجىريبە بولعان جوق. ءبىر جەردە، مۇمكىن، جۇمىس تولىق ويلاستىرىلماعان شىعار. بىزدە ساتىپ الىنعان دارىلەردىڭ سانىنا قاراي ناۋقاستار بولعان جوق. ناۋرىز، ءساۋىر، مامىردا بارلىعى قاتاڭ كارانتيندە وتىردى، ءدارىحانالاردا ساتىلىم بولعان جوق، سۇرانىس تومەندەدى. بۇل جەكە بيزنەس بولعاندىقتان، ءبىز ساتۋدى، ونىڭ ىشىندە تاۋار اكەلۋدى رەتتەمەدىك. يمپورت تومەندەدى، ويتكەنى بارلىق شەكارا جابىلدى، ءار ەل ءوز-وزىنە قالدى.

سۇرانىس تومەندەدى، يمپورت تومەندەدى، ال كارانتين جەڭىلدەگەن كەزدە ك ۆ ي عانا ەمەس، ۆيرۋستىق ينفەكسيالار دا ءوستى، ازداپ دۇربەلەڭ (ءدارى- دارمەك ساتىپ الۋ) پايدا بولدى. ءبىر جەرلەردە اقپاراتتىق جۇمىستى دۇرىس اتقارمادىق، ويتكەنى بارلىق كۇش COVID-19-بەن كۇرەسكە باعىتتالدى، مۇمكىن سول كەزدە تەك COVID-19 ەمەس، سونىمەن قاتار قاراپايىم ۆيرۋستىق ينفەكتسيالار دا بار ەكەنىن كوبىرەك تۇسىندىرگەن ءجون بولار ەدى»، - دەدى ەكس- ۆيتسە- مينيستر.

ونىڭ ايتۋىنشا، قيىن كەزدەردە ولار ددۇ ۇسىنىستارىنا سۇيەنە وتىرىپ، ينتۋيتيۆ تۇردە جۇمىس ىستەگەن. قازاقستاندا جاڭا تولقىن قارساڭىندا بىرنەشە سەناري ازىرلەندى.

ەڭ قاراپايىم جانە وپتيميستىك نۇسقاسى - حالىق سانيتارلىق دەزينفەكسيالىق رەجيمدى ساقتايدى، بەتپەردە تاعادى، سونىمەن قاتار دەنساۋلىق ساقتاۋ مينيسترلىگى توسەك قورىن باقىلاپ وتىرادى. مۇنىڭ ءبارى ماسكا تاعۋ رەجيمى قالاي ساقتالاتىنىنا جانە ماۋسىمدىق اۋرۋلاردىڭ قاباتتاسۋىنا بايلانىستى.

«جاقسىراق ستسەناريي - قازان، قاراشا جانە جەلتوقسان ايلارىنىڭ سوڭى. ءۇمىت ۇزىلمەيدى. بۇل ءبىزدى اينالىپ وتەدى دەگەن ۇمىتەمىز. ءبىراق ءبىز ەڭ ناشار كەزدەرگە دايىندالىپ جاتىرمىز»، - دەدى سپيكەر.

لوكداۋن قايتا بولا ما؟

«ناۋقاستار اۋرۋحاناعا جاتقىزىلىپ، توسەك قورىنىڭ 70 پايىزى تولعاندا، «قىزىل شام» قوسىلادى، ءبىز ۆيرۋستىڭ تارالۋىن توقتاتۋ ءۇشىن بارلىق باسقا رەسۋرستى جۇمىلدىرامىز.

بۇل شىلدە- تامىز ايلارىندا بولعان سول كارانتين، لوكداۋن. وندايدا امبۋلاتوريالىق جانە ستاتسيونارلىق كەزەڭدە ەمدەۋدى بارىنشا قامتاماسىز ەتەمىز»، - دەپ ءتۇسىندىردى بۇيرابەكوۆا.

كوروناۆيرۋسقا قارسى قازاقستاندىق ۆاكسينا

ەگەر COVID-19-عا قارسى ۆاكسينالار تۋرالى ايتاتىن بولساق، قازاقستان وكسفوردتىڭ، رەسەيدىڭ دامۋىن باقىلاپ، وتاندىق ءونىمدى دامىتىپ جاتىر. بۇيرابەكوۆانىڭ ايتۋىنشا، قازاقستاندىق ۆاكسينا قاۋىپسىز.

«مىسالى، وكسفوردتىق ۆاكسينا. ول الدەقاشان دايىن بولدى، كلينيكالىق زەرتتەۋلەردىڭ ءۇشىنشى كەزەڭىنە ءوتتى، ءبىراق ودان كەنەتتەن كەرى اسەر پايدا بولدى. ءبىزدىڭ ۆاكسينا بۇرىنعىدان وزگەشە. وكسفوردتىق جانە رەسەيلىك ۆاكسينالاردا ادەنوۆيرۋس، بىرىنشىسىندە - شيمپانزە ادەنوۆيرۋسى، ەكىنشىسىندە ادام ادەنوۆيرۋسى قولدانىلادى. بىزدە بەلسەندى ەمەس ۆاكسينا بار. بىزدىكى تەك العاشقى كلينيكالىق سىناق كەزەڭىنەن ءوتتى»، - دەدى بۇيرابەكوۆا.

«وتاندىق عالىمدار ۇسىنعان ناتيجەلەر بويىنشا ونى نەگە جاساماسقا؟ ءبىزدىڭ عالىمدارىمىز شەتەلدىكتەردەن جامان ەمەس، ءبىز ولاردى قولداماساق، وندا ولار شەتەلگە كەتىپ قالادى. بۇگىنگى تاڭدا ناتيجەلەر جامان ەمەس. ءبىزدىڭ ۆاكسينا قاۋىپسىز»، - دەپ قوستى ول.