«ازاماتتاردىڭ مەملەكەتتى باسقارۋ ىسىنە قاتىسۋى» بولىمىندە قازاقستان رەسپۋبليكاسىنىڭ زاڭناماسىنا اۋىلدار، كەنتتەر، اۋىلدىق وكرۋگتەر اكىمدەرىنىڭ تىكەلەي سايلاۋىن وتكىزۋگە قاجەتتى وزگەرىستەر مەن تولىقتىرۋلار ەنگىزۋ ەسكەرىلگەن. سونىمەن قاتار، وكىلەتتىكتەرى 2021 -جىلى اياقتالاتىن اۋىلدار، كەنتتەر، اۋىلدىق وكرۋگتەر اكىمدەرىنىڭ تىكەلەي سايلاۋىن 2021 -جىلى وتكىزۋ جوسپارلانعان.
جەرگىلىكتى ءوزىن- ءوزى باسقارۋدى دامىتۋدىڭ جاڭا تۇجىرىمداماسىن ازىرلەۋ دە قامتىلعان. وندا مىنا قادامدار قاراستىرىلعان:
- مەملەكەتتىك باسقارۋ دەڭگەيلەرى اراسىندا وكىلەتتىكتەردى ءبولۋ؛
- جەرگىلىكتى مەملەكەتتىك باسقارۋ جانە جەرگىلىكتى ءوزىن- ءوزى باسقارۋ ورگاندارى وكىلەتتىكتەرىنىڭ اراجىگىن كەزەڭ- كەزەڭمەن اجىراتۋ؛
- جەرگىلىكتى بيۋدجەتتەردى بەكىتۋ پروتسەسىنە باقىلاۋدى كۇشەيتۋ، ونىڭ ىشىندە ينفراقۇرىلىمدىق جانە الەۋمەتتىك باستامالارعا باعىتتالعان قوگامدىق ماڭىزى بار شىعىستار بولىگىندە ونلاين- سۇراۋ جۇرگىزۋدى قولدانۋدى قوسا العاندا، قوعامدىق ساراپتامادان ءوتۋ تەتىكتەرى ارقىلى كۇشەيتۋ؛
- اۋىلدىق وكرۋگتەردىڭ مۇلىكتىك قۇقىقتارىن كەڭەيتۋ جانە كىرىستەرىن ۇلعايتۋ ارقىلى جەرگىلىكتى ءوزىن- ءوزى باسقارۋدىڭ قارجىلىق مۇمكىندىكتەرىن كۇشەيتۋ، بۇل «حالىق قاتىساتىن بيۋدجەتتەردى» دامىتۋدىڭ كەلەسى كەزەڭى بولۋى ءتيىس؛
- ورتالىق - ءوڭىر قارىم- قاتىناسى عانا ەمەس، قاراجاتتىڭ ءوڭىر ىشىندە ءبولىنۋى دە ەسكەرىلەتىن، وڭىرلەردى بيۋدجەتتىك قارجىلاندىرۋ مودەلىن ايقىنداۋ؛
- جەرگىلىكتى ءوزىن- ءوزى باسقارۋ ورگاندارىنىڭ، جيىندار مەن جينالىستاردىڭ مارتەبەسىن كوتەرۋ، جەرگىلىكتى جەردەگى وزەكتى پروبلەمالارعا قاتىستى ولاردىڭ پىكىرىن اۋداندىق ءماسليحاتتار ناقتى شەشىمدەر قابىلداۋ ءۇشىن ەسكەرۋى ءتيىس؛
- تەكسەرۋ كوميسسيالارىن كۇشەيتۋ.
اۆتور: رۋسلان عابباسوۆ