يادرولىق قاتەردى ازايتۋ جونىندەگى جاھاندىق باستاما شەڭبەرىندە قازىرگى ۋاقىتتا قازاقستاندا زەرتتەۋ رەاكتورلارىن كونۆەرسيالاۋ جونىندەگى جۇمىستار جۇرگىزىلۋدە.
«بۇل جۇمىستاردىڭ نەگىزگى ماقساتى جوعارى بايىتىلعان ۋراندى (ج ب ۋ) جويۋ ارقىلى يادرولىق ماتەريالداردى تاراتپاۋ جانە زەرتتەۋ رەاكتورلارىن تومەن بايىتىلعان ۋران (ت ب ۋ) وتىنىنا كوشىرۋ بولىپ وتىر. وسى جوبالار ا ق ش ۇيىمدارىمەن بىرلەسىپ ىسكە اسىرىلۋدا، ولار كۇردەلى مىندەتتى ورىنداۋ ءۇشىن قازاقستان ۇيىمدارىنىڭ عىلىمي-تەحنيكالىق الەۋەتى مەن قۇزىرەتتەرىنىڭ جوعارى دەڭگەيىن اتاپ ءوتتى»، - دەپ حابارلايدى ەنەرگەتيكا مينيسترلىگىنەن.
جوبانى ىسكە اسىرۋدىڭ ماڭىزدىلىعىن ەسكەرە وتىرىپ، ا ە ح ا باس كونفەرەنتسياسىنىڭ 64-سەسسياسى شەڭبەرىندە ق ر ەنەرگەتيكا مينيسترلىگى مەن ا ق ش ەنەرگەتيكا دەپارتامەنتىنىڭ يادرولىق قاۋىپسىزدىك جونىندەگى ۇلتتىق اكىمشىلىگى جوعارى بايىتىلعان ۋراندى ازايتۋ تۋرالى بىرلەسكەن مالىمدەمەگە قول قويعان.
تاراپتار ج ب ۋ- دى بارىنشا ازايتۋ، يادرولىق قاۋىپسىزدىكتى قامتاماسىز ەتۋ جانە يادرولىق قارۋدى تاراتپاۋ رەجيمىن نىعايتۋ جونىندەگى ورتاق ماقساتتاردى قولداۋ ءۇشىن بىرلەسكەن ارەكەتتەردى جالعاستىرۋ نيەتىن راستايدى.