ءتارتىپ ساقشىلارى جۇمادان سەنبىگە قاراعان ءتۇنى قابانباي باتىر كوشەسىندە كارانتين ەرەجەسىن بۇزىپ، تۇندە جۇمىس ىستەپ جاتقان «CYBER STRONG» كومپيۋتەر كلۋبىن انىقتادى.
تەكسەرىس كەزىندە كلۋبتا 60 ادام بولعان، ونىڭ 3 ءۋى كامەلەت جاسىنا تولماعان. كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەسىندە بولعانى نەمەسە زاڭدى وكىلدەرىنسىز ءجۇرۋى ءۇشىن ءۇش جاس ءوسپىرىمنىڭ اتا-اناسى ق ر ا ق ب ت ك- ءتىڭ 442-بابى 1-تارماعى بويىنشا اكىمشىلىك جاۋاپقا تارتىلدى. سونداي-اق جاس وسپىرىمدەردى ويىن-ساۋىق مەكەمەسىنە كىرگىزگەنى ءۇشىن كومپيۋتەر كلۋبىنىڭ اكىمشىسى دە ق ر ا ق ب ت ك- ءتىڭ 132-بابى بويىنشا اكىمشىلىك جاۋاپقا تارتىلدى.
كومپيۋتەر كلۋبىنىڭ يەسىنە قاتىستى ق ر ا ق ب ت ك- ءنىڭ 425-بابى «كارانتين رەجيمىن بۇزۋ» ارەكەتى بويىنشا اكىمشىلىك جاۋاپقا تارتۋ ءۇشىن ماتەريال جينالىپ، تاۋارلار مەن كورسەتىلەتىن قىزمەتتەردىڭ ساپاسىن باقىلاۋ باسقارماسىنا جولداندى.
پوليتسيا كامەلەتكە تولماعاندارعا تۇنگى ۋاقىتتا ويىن-ساۋىق مەكەمەلەرىندە 22:00 دەن 6:00 گە دەيىن، ال زاڭدى وكىلدەرىنىڭ ەرىپ ءجۇرۋىنسىز تۇرعىن ۇيدەن تىس جەردە 23:00 دەن 6:00 گە دەيىن بولۋعا تىيىم سالىنعانىن ەسكەرتەدى.