دەگەنمەن، ءبارى ەپيدەميولوگيالىق جاعدايدىڭ قالاي وربيتىنىنە بايلانىستى، دەدى ر ف دەنساۋلىق ساقتاۋ مينيسترلىگىنىڭ شتاتتان تىس باس ينفەكتسيونيسى ۆلاديمير چۋلانوۆ.
بۇل تۋرالى قازاقپارات تاسس اگەنتتىگىنە سىلتەمە جاساپ حابارلايدى.
«شىنىندا، ەگەر ينفەكتسيانىڭ الدىن الاتىن ۆاكتسينا نەمەسە وزگە ءتيىمدى قۇرال پايدا بولسا - بۇل ەڭ وڭتايلى شەشىم بولار ەدى. سەبەبى ۆاكتسينوپروفيلاكتيكا - ەڭ ءتيىمدى قورعانىس. ەگەر وسىنداي ۆاكتسينا پايدا بولسا، ءبىز اتاپ وتكەن تالاپتىڭ ەنگىزىلۋى مۇمكىن. ءبىراق بارلىعى مەملەكەتتەردىڭ شەشىمىنە جانە جالپى كوروناۆيرۋستىڭ تاراۋ جاعدايىنا بايلانىستى بولادى»، - دەدى چۋلانوۆ.
بۇعان دەيىن دەنساۋلىق ساقتاۋ مينيسترلىگىنىڭ كەڭەسشىسى سەرگەي گلاگوليەۆ جاقىن جىلدارى حالىقارالىق ساياحات جاساۋ ءۇشىن قويىلاتىن نەگىزگى تالاپتاردىڭ قاتارىنا كوروناۆيرۋسقا قارسى ەكپە جاساتۋ بولۋى مۇمكىن دەپ بولجاعان ەدى.