قازاقستاندا جىلقى سانى ارتتى

نۇر-سۇلتان. قازاقپارات - ق ر اۋىل شارۋاشىلىعى ءمينيسترى ساپارحان وماروۆ بيىل ءىرى قارا مال باسى 5 پايىزعا وسكەنىن ايتتى، دەپ حابارلايدى قازاقپارات ءتىلشىسى.

«ىشكى نارىقتى مال شارۋاشىلىعى ونىمدەرىمەن تولىقتىرۋ ءۇشىن مال باسىن ءوسىرۋ قامتاماسىز ەتىلەدى. 2020 -جىلدىڭ 7 ايىندا ءىرى قارا مالىنىڭ 5 پايىزعا، ۇساق مالدىڭ 2 پايىزعا، جىلقىنىڭ 9 پايىزعا ءوسۋى بايقالدى»، - دەدى مينيستر ۇكىمەت وتىرىسىندا.

سونىمەن قاتار ول وڭدەلگەن ءونىم بويىنشا ءوسىم بولعانىن ايتتى. بۇل تۇرعىدا ۇن 6,4 پايىزعا، وسىمدىك مايى 1,8 پايىزعا، ماكارون ونىمدەرى 8,4 پايىزعا، قۇس ەتى 12,3 پايىزعا، قىشقىل- ءسۇت ونىمدەرى 4,7 پايىزعا، سارى ماي 12,9 پايىزعا، شۇجىق ونىمدەرى 22,8 پايىزعا ءوستى. بۇدان بۇرىن حابارلانعانداي، قازاقستاندا ازىق- تۇلىك تاۋارلارىنىڭ 6 ءتۇرى بويىنشا يمپورتتى الماستىرۋ جۇرگىزىلۋدە.

اۆتور: رۋسلان عابباسوۆ