داۋىلدىڭ ەكپىنى ساعاتىنا 50-55 شاقىرىمعا دەيىن جەتكەن. 2,5 ساعاتتاي ۇيىتقىپ، بىرنەشە ءۇيدىڭ شاتىرىن ۇشىردى. سونىمەن قاتار جاي ءتۇسىپ، بىرنەشە عيماراتتا ءورت شىقتى. الايدا ماماندار وتتى ءسوندىرىپ ۇلگەردى. قۇم بوراپ، كوز اشتىرماعاندىقتان، كەي وڭىرلەردە كولىكتەر توقتاپ قالدى.
تۇرعىن:
- مەيرامحاناعا كەلگەن قوناقتارىم ەندى عانا شىققان ەدى. اينالانى قارا تۇنەك باستى. جاقىندارىمىزدى ويلاپ، الاڭداي باستادىق.
تۇرعىن:
- ءبارى كەنەتتەن باستالدى. ويدا جوقتا اسپان ءتۇن جامىلعان سياقتى بولدى. قالانى قۇم باسىپ، تۇك كورىنبەي كەتتى.
ا ق ش- قا ساللي داۋىلى جاقىندادى
ا ق ش جاعالاۋىندا اتلانت مۇحيتىنان شىققان ساللي تروپيكالىق داۋىلى ويران سالدى. بىرنەشە شتاتتا دايىندىق شارالارى الدىن الا كۇشەيتىلگەن ەدى.
ميسسيسيپي بيلىگى جەرگىلىكتى تۇرعىنداردى قاۋىپسىز جەرگە كوشىرۋ تۋرالى شەشىم قابىلداعان. اقپارات كوزدەرىنىڭ حابارلاۋىنشا، جەلدىڭ ەكپىنى ساعات سايىن كۇشەيىپ بارادى. قازىر مەكسيكا شىعاناعىنان سوققان جەلدىڭ جىلدامدىعى ساعاتىنا 95 شاقىرىمنان اسىپ كەتكەن. سينوپتيكتەر ايماقتا جاۋىن جاۋىپ، تاسقىن باستالۋ قاۋپى بار دەپ ەسكەرتتى.
دجوي چوۆەن، جەرگىلىكتى تۇرعىن:
- بۇل دا كاترين داۋىلى سياقتى ايماققا جاۋىن اكەلىپ، ەلدى مەكەندەردى سۋ باسۋى مۇمكىن. سوندىقتان قاجەتتى زاتتارىمىزدى الىپ، ۋاقىتشا قاۋىپسىز جەرگە كوشتىك.
اتلانت مۇحيتىندا شىققان «پولەتت» دەپ اتالاتىن تاعى ءبىر داۋىل بەرمۋد ارالدارىنا جەتتى. تابيعات اپاتى بولجانعاندىقتان، جەرگىلىكتى بيلىك اۋە جانە كەمەجايدى جاۋىپ، مەملەكەتتىك مەكەمەلەر مەن مەكتەپتەردىڭ جۇمىسىن توقتاتقان. ماماندار جەلدىڭ جىلدامدىعى ساعاتىنا 150 شاقىرىمعا دەيىن جەتەتىنىن حابارلايدى. جاۋىن جاۋىپ، تولقىن كوتەرىلگەندىكتەن، مۇندا دا تاسقىن قاۋپى بار. ازىرگە اپاتتان جاپا شەككەندەر جايلى اقپارات تۇسكەن جوق.