ۇزاق جىلدار بويى توزىعى جەتكەن ەسكى ۇيدە تۇرعان جالعىزباستى اناعا اۋداننىڭ ەرىكتى جاستارى باسپانا سالىپ بەردى. كوكساراي اۋىلىنىڭ تۇرعىنى ەسەنكۇل الىبايەۆانىڭ جاعدايىمەن تانىسقان 1995 -جىلى تۋعان اۋىل جاستارى بىرىگىپ، جاڭا باسپانانىڭ ىرگەتاسىن قۇيىپ بەرگەن. ەرىكتى جاستار قايىرىمدىلىق ەستافەتاسىن اۋىلداس اعا- ىنىلەرىنە جولداعان. بۇل ەرەكشە باستاماعا بارلىق اۋىل جاستارى ءۇن قوستى. 1982 مەن 1998 -جىلعى اۋىل جاستارى قارجى جيناپ، اۋىل تۇرعىنىنا جاڭا باسپانا سالىپ بەردى. وسىلايشا ۇيىمشىل جاستار قامكوڭىل ءبىر وتباسىنا قۋانىش سىيلادى.