بۇل تۋرالى چابانى كەنتىنىڭ كەڭەسى حابارلاعان. قازىر بىتەۋىش ورناتىلدى، گازدىڭ شىعۋى توقتادى.
«سىزدەردەن تىنىشتىق ساقتاۋلارىڭىزدى سۇرايمىز، قاجەت بولعان جاعدايدا ۋكراينانىڭ توتەنشە جاعدايلار قىزمەتى وكىلدەرىنىڭ نۇسقاۋلارىن قاتاڭ ساقتاڭىزدار»، - دەلىنگەن حابارلامادا.
الەۋمەتتىك جەلىلەردە جەرگىلىكتى تۇرعىندار قاتتى داۋىستى ەستىگەندەرىن ايتادى، ال كەيبىر تىلشىلەر بۇنى گاز قۇبىرىنداعى جارىلىس دەپ بولجاپ وتىر.
«14.09.2020 -جىلى ساعات 00.30-دا كيەۆ- سۆياتوشينسكي اۋدانىنىڭ چابانى كەنتىندە جوعارى قىسىمدى قۇبىر جارىلدى. بارلىق اپاتتىق- قۇتقارۋ قىزمەتتەرى وقيعا ورنىندا، جاقىن ەلدى مەكەندەردە ەلەكتر قۋاتى وشىرىلگەن، گازبەن جابدىقتاۋدى توقتاتۋ شارالارى جۇرگىزىلۋدە. تۇنگى ساعات 1:15 تە قۇبىردى جاۋىپ تاستادى»، - دەپ جازدى كيەۆتىڭ تۇراقتى پوليتسيا كوميسسياسىنىڭ ءتوراعاسى سەرگەي گۋليەۆ.
سونىمەن قاتار، اۆتورلاردىڭ ءبىرى سەنترالنوە پولە كوشەسىندە ءورت ءسوندىرۋ ماشينالارى تۇرعانىن حابارلادى. جەرگىلىكتى تۇرعىندار ەلدىمەكەننىڭ بىرنەشە كوشەسىندە جارىق وشىرىلگەنىن حابارلادى.