كومپانيانىڭ وزگە قۇرىلتايشىلارى ونىڭ ۇستىنەن ارىزدانعان. بيزنەسمەنگە «اسا ءىرى كولەمدە قارجى جىمقىردى دەگەن» ايىپ تاعىلۋدا. الايدا كاسىپكەردىڭ ادۆوكاتى قىلمىستىق ءىستىڭ زاڭسىز قوزعالعانىن ايتادى. ءارى سوتقا دەيىنگى تەرگەۋ جۇمىستارىندا ءبىرقاتار ولقىلىق كەتكەن. سەرگەي كيم باسقاراتىن كاسىپورىن ءوندىرىس قالدىقتارىن قايتا وڭدەۋمەن اينالىسادى. 2011 -جىلى ول ديرەكتور بولىپ تاعايىندالادى. ال ءبىر جىلدان سوڭ قۇرىلتايشىلار قۇرامى بەكىتىلەدى. ايتۋىنشا، بيلىككە تالاستىڭ باسى دا وسىدان باستالعان. سەرىكتەستەرى كومپانيانىڭ باس ديرەكتورى ءارى قۇرىلتايشىسى ەتىپ بۇعان دەيىن ۇلتتىق قاۋىپسىزدىك كوميتەتىندە ەڭبەك ەتكەن تانىس ادامىن سايلاماق بولادى. ول ويلارى ىسكە اسپاعان سوڭ سەرگەيدى «كومپانيانىڭ ورتاق قارجىسىن جىمقىردى» دەپ ايىپتاپ، پوليتسيا دەپارتامەنتىنە ارىز تۇسىرەدى. وسىلايشا 2019 -جىلى كاسىپكەردىڭ ۇستىنەن قىلمىستىق ءىس قوزعالادى.
سەرگەي كيم، كاسىپكەر:
- قىلمىستىق ءىس قوزعاۋ ءۇشىن كومپانياعا كەلتىرىلگەن شىعىن كولەمى ناقتى كورسەتىلۋ كەرەك، ياعني اۋديتورلىق ەسەپ بولۋى شارت. ءبىراق ول قۇجات جوق. دەمەك، پوليتسيا دەپارتامەنتىنىڭ ماعان قارسى ءىس قوزعاۋىنىڭ ءوزى زاڭعا قايشى. وكىنىشكە قاراي، ونى ەسكەرىپ جاتقان ەشكىم جوق. ارىزدانۋشى تاراپ ۇرلانعان اقشانىڭ ناقتى ەسەبىن كورسەتپەگەن سوڭ، قاراعاندى وبلىستىق پوليتسيا دەپارتامەنتى تاۋەلسىز اۋديتورلاردىڭ كومپانياعا تەكسەرىس جۇرگىزۋىن سۇرايدى. ءبىراق ولار ەسەپ- قيساپ قۇجاتتارىنان ەشقانداي الاياقتىق ارەكەتتى تاپپاعان.
باقىت احمەتوۆا، ادۆوكات:
- ارىزدانۋشى تاراپ پوليتسيا تاپسىرماسىمەن جۇرگىزىلگەن اۋديتورلىق ەسەپتە ەشقانداي زاڭبۇزۋشىلىق جوق ەكەنىن بىلگەن سوڭ، تەرگەۋ سوتىنا جۇگىنەدى. ال تەرگەۋ سوتى ول تەكسەرىستى زاڭسىز دەپ تاۋىپ، اۋديتورلىق ەسەپتى قايتادان وتكىزۋ جونىندە شەشىم شىعارادى. ەڭ قىزىعى، ەكىنشى رەت تەكسەرىس جۇرگىزەتىن ادامدى جابىرلەنۋشى جاق ۇسىنعان ءارى ونىڭ بۇل قىزمەتكە ارنايى ليتسەنزياسى بولماي شىقتى. «قولىندا قۇجاتى جوق ادامنىڭ اۋديتورلىق تەكسەرىس جۇرگىزۋى قانشالىقتى زاڭدى؟»، «كەلتىرىلگەن شىعىن كولەمى ناقتى كورسەتىلمەگەن جاعدايدا قىلمىستىق ءىس قوزعالۋى دۇرىس پا؟» دەگەن ساۋالداردى ءبىزدىڭ تەلەارنا جوعارى سوتقا، باس پروكۋراتۋراعا جانە ىشكى ىستەر مينيسترلىگىنە جولداپ، حات جازعان ەدى. جاۋاپ تەك وبلىستىق پروكۋراتۋرادان كەلدى. قازىرگى تاڭدا بۇل قىلمىستىق ءىس بويىنشا سوتقا دەيىنگى تەرگەۋ ءجۇرىپ جاتىر. سونىڭ قورىتىندىسىمەن پروتسەسسۋالدى شەشىم قابىلدانادى. ق ر قىلمىستىق- پروتسەسسۋالدى كودەكستىڭ 201-بابىنا سايكەس سوتقا دەيىنگى تەرگەۋ جۇمىستارى جاريا ەتىلمەيدى. بۇل تەرگەۋ جۇمىستارىنا اسەر ەتۋى مۇمكىن. سوندىقتان ءسىز قويعان ساۋالدارعا قازىر جاۋاپ بەرۋ مۇمكىن ەمەس. ال تەرگەۋ جۇمىستارىنىڭ ءجۇرىپ جاتقانىنا ءبىر جىلدان اسىپ كەتتى. كومپانيا قۇجاتتارىنىڭ ءتۇپنۇسقاسى تۇگەلىمەن پوليتسيادا جاتىر.
«بۇل بيزنەستى جۇرگىزۋگە تۇساۋ بولىپ تۇر . ەگەر جالعاسا بەرسە، كاسىپورىن بانكروتقا ۇشىرايدى»، - دەيدى كۇدىكتى سەرگەي كيم.