سۋمما چاكراباتي 1959 -جىلى جالپايگۋريدە (ءۇندىستان، باتىس بەنگاليا شتاتىندا) دۇنيەگە كەلگەن. ونىڭ بالالىق شاعى كالكۋتتا شتاتىنىڭ استاناسىندا ءوتتى. اناسى مەكتەپتە ءمۇعالىم بولسا، اكەسى تاريحتى زەرتتەگەن (كەيىن كالكۋتتا ۋنيۆەرسيتەتىنىڭ پرەزيدەنتتىك كوللەدجىنىڭ پروفەسسورى بولعان). 1964 -جىلى اكەسى دوستاستىق ستيپەندياسىن الىپ، وكسفورد ۋنيۆەرسيتەتى جانىنداعى اۋليە انتونيو كوللەدجىندە وقۋىن جالعاستىردى. ول ۇلىبريتانياعا وتباسىمەن كوشىپ باردى. 1969 -جىلى چاكرابارتي كالكۋتتاعا ورالدى، ءبىراق كوپ ۇزاماي سۋمما جانە ونىڭ اناسى باتىس بەنگالياداعى ماويزم توپتارىنىڭ (ناكساليتتەردىڭ) كوتەرىلىسىنە بايلانىستى ءۇندىستاننان كەتۋگە ءماجبۇر بولدى. وسىلايشا ولار قايتادان ۇلىبريتانياعا بارىپ، سۋمما چاكرابارتي ۇلىبريتانيا ازاماتتىعىن العان.
ول وكسفوردتىڭ جاڭا كوللەدجىن ءبىتىرىپ (ساياساتتانۋ، فيلوسوفيا جانە ەكونوميكا بويىنشا وقىدى)، ساسسەكس ۋنيۆەرسيتەتىندە ەكونوميكالىق دامۋ ماگيسترى دارەجەسىن الدى. ول دامۋشى نارىقتارعا ماماندانعان، مەملەكەتتىك قىزمەتتەگى اۋقىمدى رەفورمالاردى دامىتۋدا تاجىريبەسى بار، بريتاندىق «نوۋ- حاۋ» قورىن (1990 ج ج. باسىندا قۇرىلعان)
- ورتالىق جانە شىعىس ەۋروپاعا تەحنيكالىق كومەك كورسەتۋ باعدارلاماسىن قۇرۋدا شەشۋشى ءرول اتقاردى. وسى جىلدار ىشىندە ول ەكونوميكاسى تۇبەگەيلى قايتا قۇرۋ كەزەڭىنەن ءوتىپ جاتقان مەملەكەتتەر - شىعىس ەۋروپا، تاياۋ شىعىس جانە سولتۇستىك افريكا، سونداي- اق س س س ر ىدىراعاننان كەيىن پايدا بولعان ەلدەر باسشىلىعىنىڭ وكىلدەرىمەن ىنتىماقتاستىقتا بولدى. ول ەۋروپالىق كوميسسيامەن تاياۋ شىعىس جانە سولتۇستىك افريكا مەملەكەتتەرىنە ارنالعان باعدارلامالار جاساۋ كەزىندە ءوزارا بايلانىستا بولعان. ول افريكادا، اتاپ ايتقاندا بوتسۆانادا جۇمىس ىستەدى. 1984 -جىلى ول افريكا مەن وڭتۇستىك ازيا پروبلەمالارىمەن اينالىساتىن حالىقارالىق دامۋ جونىندەگى باسقارما (قازىرگى ۇلىبريتانيانىڭ حالىقارالىق دامۋ دەپارتامەنتى) قىزمەتىنە شاقىرىلدى. 1988 -جىلى ۆاشينگتونعا كەتىپ، ەكى جىل بويى دۇنيەجۇزىلىك بانكتە ۇلىبريتانيادان اتقارۋشى ديرەكتوردىڭ كەڭەسشىسى بولدى. سودان كەيىن ول ۇلىبريتانياعا ورالىپ، حالىقارالىق دامۋ ءمينيسترىنىڭ جەكە حاتشىسى بولدى. 1996-1998 ج ج. قارجى مينيسترلىگىنىڭ بىرنەشە دەپارتامەنتىن، ونىڭ ىشىندە بيۋدجەت ساياساتى ءبولىمىن باسقاردى. مەملەكەتتىك قاراجاتتىڭ جۇمسالۋىنا اۋديت جۇرگىزدى.
1998-2000 ج ج. ول مينيسترلەر كابينەتى اپپاراتىنداعى تيىمدىلىك جانە يننوۆاتسيا ءبولىمىنىڭ باستىعى بولدى. ونىڭ باستاماسىمەن ءپانارالىق جانە ۆەدومستۆوارالىق ماسەلەلەردى شەشۋ ءۇشىن مەملەكەتتىك تالداۋ ورتالىعى قۇرىلدى. سودان كەيىن ەكى جىل بويى مينيسترلەر كابينەتى جانىنداعى ەكونوميكالىق جانە ىشكى ىستەر حاتشىلىعىن باسقاردى. وسى كەزەڭدە ول پرەمەر- مينيستر توني بلەرمەن تىعىز جۇمىس ىستەدى. 2002-2007 ج ج. ول حالىقارالىق دامۋ مينيسترلىگىندە تۇراقتى حاتشى (مەملەكەتتىك جوعارى لاۋازىمداردىڭ ءبىرى) بولدى، سودان كەيىن 2012 -جىلعا دەيىن ادىلەت مينيسترلىگىندە وسىنداي قىزمەت اتقاردى. وسى كەزەڭدەگى ونىڭ باستى جەتىستىكتەرىنىڭ ءبىرى - مينيسترلىكتىڭ جۇمىس ىستەۋىنىڭ جاڭا مودەلىن جاساۋ جانە ەنگىزۋ. سونىڭ ارقاسىندا 1 ميلليارد فۋنتتان استام ستەرلينگ ۇنەمدەلدى. 2012 -جىلى ول ەۋروپالىق قايتا قۇرۋ جانە دامۋ بانكىنىڭ (ە ق د ب) پرەزيدەنتى بولىپ سايلاندى. وسى لاۋازىمداعى جەتىستىكتەردىڭ اراسىندا ول ءوزىنىڭ قىزمەتىنىڭ كەڭەيۋىن اتايدى. ناقتى جوبالارعا قارجى سالۋدان باسقا، بانك ەلدەرگە ەكونوميكالىق تۇراقتىلىقتى ارتتىرۋعا جانە الەمدىك جانە ايماقتىق ەكونوميكاعا ينتەگراتسيانى تەرەڭدەتۋگە، سونداي- اق جالپى الەمدىك سىن- قاتەرلەرگە قارسى تۇرۋعا كومەكتەستى.
2016 -جىلعى 11-مامىردا ەكىنشى مەرزىمگە قايتا سايلاندى. لاۋازىمىن 2020 -جىلدىڭ 2 -شىلدەسىنە دەيىن اتقاردى. ماراپاتتاردىڭ قاتارىندا «ۇلتتىڭ دامۋىنا قوسقان ەرەكشە ۇلەسى ءۇشىن» (ەڭ جوعارى - رىتسارلىق دارەجەگە يە) ەل ازاماتتارىنا بەرىلەتىن بريتان يمپەرياسىنىڭ وردەنى بار. چاكرابارتي - ساسسەكس جانە شىعىس انگليا ۋنيۆەرسيتەتتەرىنىڭ جانە بۋحارەست ەكونوميكالىق زەرتتەۋلەر اكادەمياسىنىڭ قۇرمەتتى دوكتورى. ول بەنگال، فرانتسۋز جانە نەمىس تىلدەرىن بىلەدى. ۇيلەنگەن، ايەلى - ماري ساكو ۇلتى جاپون، وكسفوردتاعى Saïd بيزنەس مەكتەبىندە مەنەدجمەنتتەن ساباق بەرەدى. وتباسىندا ءبىر قىز بار. ونىڭ ءحوببيى - كىتاپ وقۋ، اسىرەسە ءۇندى ادەبيەتىن جاقسى كورەدى. ول كورولدىك ونەر قوعامىنىڭ مۇشەسى. ەسكە سالا كەتسەك، ق ر پرەزيدەنتى قاسىم- جومارت توقايەۆتىڭ وكىمىمەن سەر سۋمما چاكرابارتي (Sir Suma Chakrabarti) قازاقستان رەسپۋبليكاسى پرەزيدەنتىنىڭ ەكونوميكالىق دامۋ جونىندەگى شتاتتان تىس كەڭەسشىسى بولىپ تاعايىندالدى.