ايتا كەتەيىك، تاياۋدا اقمولا وبلىسى بۋراباي وزەنىندە ءولىپ جاتقان بالىقتاردىڭ ۆيدەوسى الەۋمەتتىك جەلىدە تاراعان بولاتىن.
«جانۋارلارعا قاۋىپ تونگەندە ارەكەت ەتۋ مەحانيزمىنە سايكەس، 13 -قىركۇيەك كۇنى اقمولا وبلىسى اۋماقتىق ورمان شارۋاشىلىعى جانە جانۋارلار الەمى ينسپەكتسياسىنىڭ قىزمەتكەرلەرى «بۋراباي» مەملەكەتتىك ۇلتتىق تابيعي پاركىندەگى سۋ قويماسىنا باردى. سۋ قويماسىنىڭ جاعالاۋ سىزىعى زەرتتەلدى. 6 ك گ شاباق بالىق جينالىپ، ۋتيليزاتسيالاندى»،-دەپ ءمالىم ەتتى ۆەدومستۆودان.
زەرتحانالىق زەرتتەۋ جۇرگىزۋ ءۇشىن سۋ مەن بالىقتىڭ سىناماسى الىندى. بالىقتىڭ قىرىلۋ سەبەبى زەرتحانا ساراپتاماسىنىڭ ناتيجەسى شىققاننان كەيىن قوسىمشا حابارلانادى. قازىر «بۋراباي» ۇلتتىق پاركى قىزمەتكەرلەرى شاباق بالىقتاردى قۇتقارۋ جۇمىسىن جۇرگىزىپ جاتىر.