بۇل جونىندە قازاقپارات ماڭعىستاۋ وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتىنە سىلتەمە جاساپ حابارلايدى.
«ۆەدومستۆو ءۇي اۋلاسىندا جاپپاي ءىس- شارا وتكىزۋ فاكتىسىن انىقتادى. لاۋازىمدى تۇلعا تۇسىنىكتەمە بەرۋ ءۇشىن دەپارتامەنتكە شاقىرىلدى. سونداي- اق، اكىمشىلىك قۇقىق بۇزۋ كودەكسىنىڭ 425-بابى بويىنشا اكىمشىلىك جاۋاپكەرشىلىككە تارتىلدى» دەلىنگەن باسپا ءسوز حابارلاماسىندا.
ق ر اكىمشىلىك قۇقىق بۇزۋ كودەكسىنىڭ 425-بابى 1-بولىگىنىڭ سانكسياسىنا سايكەس تالاپتى بۇزعان لاۋازىمدى تۇلعالارعا 230 ا ە ك نەمەسە 638940 تەڭگە كولەمىندە ايىپپۇل سالىنۋى ءتيىس. ماڭعىستاۋ وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى وبلىس اكىمدىگى مەن مەملەكەتتىك قىزمەت ىستەرى دەپارتامەنتىنە ءتيىستى حات جولدادى.
ايتا كەتەيىك، بۇگىن الەۋمەتتىك جەلىدە ماڭعىستاۋ وبلىسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى مارينا البەكوۆانىڭ تۋعان كۇنىنەن ۆيدەو تارادى. ازىرگە شەنەۋنىك بۇعان قاتىستى ەشقانداي مالىمدەمە جاسامادى.
اۆتور: اسەل تۇماش قىزى