بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ Facebook-تەگى پاراقشاسىندا جازدى، دەپ حابارلايدى قازاقپارات.
ونىڭ ايتۋىنشا، 19 - تامىزدا وتكەن سىبايلاس جەمقورلىققا قارسى ءىس- قيمىل ماسەلەلەرى جونىندەگى كەڭەيتىلگەن كەڭەستە مەملەكەت باسشىسى وسى باعىتتى كۇشەيتۋگە باسا نازار اۋدارعان. «بۇل ماسەلە جىل سايىنعى جولداۋدا دا ناقتى ايقىندالدى. شاعىن جانە ورتا بيزنەس COVID-19 پاندەمياسى جاعدايىندا قيىن كەزەڭدى باستان كەشۋدە جانە بۇرىنعىدان دا زور قولداۋدى قاجەت ەتەدى. وسى تۇرعىدان العاندا كاسىپكەرلىك قىزمەتكە زاڭسىز ارالاسۋ «مەملەكەتكە قارسى ەڭ اۋىر قىلمىس» رەتىندە قاراستىرىلۋى ءتيىس. شاعىن بيزنەس بويىنشا حالىقارالىق كەڭەستىڭ (ICSB) دەرەكتەرىنە سايكەس، شوب الەمدەگى بارلىق كاسىپورىنداردىڭ % 90- دان استامىن قۇراپ، شامامەن حالىقتى جالپى % 70 جۇمىسپەن قامتۋدى جانە ج ءى ءو- ءنىڭ % 50- ىن قامتاماسىز ەتەدى. بۇل تۇرعىدا ازاماتتاردىڭ ءال- اۋقاتى جەكە سەكتورداعى ىستەردىڭ احۋالىنا تىكەلەي بايلانىستى ەكەنىن ناقتى ءتۇسىنۋ قاجەت. بۇل - سالىق تۇسىمدەرى، جۇمىس ورىندارىن قۇرۋ، جاڭا تەحنولوگيالار جانە ادام كاپيتالىن دامىتۋ. ءبىر سوزبەن ايتقاندا، بيزنەس مەملەكەتكە حالىق الدىنداعى الەۋمەتتىك مىندەتتەمەلەردى ورىنداۋعا كومەكتەسەدى. ءبىز بيزنەسكە نەعۇرلىم ءتيىمدى جاعداي جاساساق، سوعۇرلىم ول ءونىمدى جۇمىس ىستەپ، قوعامعا پايدا اكەلەدى»، - دەدى اليك شپەكبايەۆ.
ونىڭ ايتۋىنشا اگەنتتىك سوڭعى ءۇش جىلدا شەنەۋنىكتەردىڭ زاڭسىز ارالاسۋىنان مىڭنان استام كاسىپكەردىڭ مۇددەسىن قىلمىستىق- قۇقىقتىق شارامەن قورعاعان. بۇل جۇمىس جالعاسىن تاپپاق. سونىمەن قاتار، سىبايلاس جەمقورلىققا قارسى قىزمەتتىڭ ءاربىر وفيتسەرىنە بيزنەس ىسىنە ارالاسۋ فاكتىلەرىنە جول بەرمەۋ تۋرالى جەكە ەسكەرتىلگەن.
«بۇگىن مەن كەشەندى الدىن الۋ باعىتىنا تولىعىراق توقتالعىم كەلەدى. 2018 -جىلدان باستاپ ءبىز سىرتقى ىستەر مينيسترلىگىمەن، « «Kazakh Investۇ ك» ا ق- مەن جانە «اتامەكەن» ۇ ك پ- مەن بىرلەسىپ
«Protecting business and investments» جوباسىن ىسكە اسىرىپ كەلەمىز.
قازىرگى ۋاقىتتا وعان جاڭا سەرپىن بەرىلدى. نەگىزگى ماقسات - بيزنەس پەن ينۆەستورلاردىڭ قىزمەت ۇدەرىستەرىن سىبايلاس جەمقورلىققا قارسى سۇيەمەلدەۋ ارقىلى ولاردىڭ مەملەكەتتىك بيلىك ينستيتۋتتارىنا سەنىمىن ارتتىرۋ. بۇل كاسىپكەرلەردىڭ تۋىنداعان ماسەلەلەرىن شەشۋدە قۇقىقتىق الاڭ اياسىندا كومەك كورسەتۋدى بىلدىرەدى. وكىنىشكە وراي، ولار كوپ جاعدايدا بيۋروكراتيالىق كىدىرىستەر مەن قاعازباستىلىقتى باستان كەشىرە وتىرىپ، «كابينەتتەر ارالاۋعا» ءماجبۇر. الايدا، ولار جالعىز كۇرەسۋگە ءتيىستى ەمەس»، - دەدى اليك شپەكبايەۆ.
بۇگىنگى تاڭدا اگەنتتىكتىڭ اۋماقتىق دەپارتامەنتتەرى سىبايلاس جەمقورلىققا قارسى سۇيەمەلدەۋمەن جالپى ينۆەستيتسيا سوماسى 12 تريلليون تەڭگەدەن اساتىن 500-دەن استام بيزنەس- جوبا جۇزەگە اسىرۋدا.
«جوبالاردىڭ % 20- ى - شەتەلدىك ينۆەستورلاردىڭ سالىمى. ولاردىڭ كوبىسى قىتاي، رەسەي، گەرمانيا جانە تۇركيا ەلدەرىنەن. ب ا ءا، ا ق ش، پولشا، نيدەرلاند جانە باسقا دا ەلدەردىڭ بيزنەسمەندەرىنىڭ قاتىسۋىن اتاپ وتكىم كەلەدى. ءىس جۇزىندە ءاربىر ەكىنشى جوبا - وڭدەۋ ونەركاسىبى سالالارىندا، ءاربىر بەسىنشى جوبا - اۋىل شارۋاشىلىعىندا ىسكە اسۋدا. ءبىز ىلەسپە بيزنەس جۇگىنەتىن پروبلەمالىق ماسەلەلەردى زەرتتەدىك. ولار نەگىزىنەن ينۆەستورلىق ۆيزالارعا، ليسەنزيالارعا، سالىق سالۋعا، كەدەندىك باجدارعا، جوسپاردان تىس تەكسەرۋلەرگە جانە جەر قاتىناستارىنا قاتىستى. سونىمەن قاتار، بيزنەسپەن جۇمىس «ءبىر قاقپانىڭ ويىنى» بولماۋى كەرەك ەكەنىن اتاپ وتەمىن. كاسىپكەرلەردىڭ وزدەرى مەملەكەتتىك ورگاندارمەن ءوزارا ءىس- قيمىل كەزىندە زاڭسىز ءىس- ارەكەتتەردىڭ باستاماشىسى بولاتىن جاعدايلار ءجيى كەزدەسەدى»، - دەدى اليك شپەكبايەۆ.
ونىڭ ايتۋىنا، اگەنتتىكتىڭ بيزنەس- جوبانى سىبايلاس جەمقورلىققا قارسى سۇيەمەلدەۋىنىڭ نەگىزگى شارتى - شەتەلدىك، سونداي- اق وتاندىق ينۆەستور بىردەي شارتتا ادال بيزنەس جۇرگىزۋگە مىندەتتەنەتىن كەلىسىمگە قوسىلۋ.
«بۇل باعىتتا كاسىپكەرلەردىڭ ساناسىن وزگەرتۋ ماڭىزدى. ىستەردى جۇرگىزۋ كەزىندە پاراساتتىلىق بەرىك ستاندارت بولۋى كەرەك. بۇعان حالىقارالىق ۇيىمداردىڭ ءبىرقاتار ۇسىنىمدارى، اتاپ ايتقاندا، «شىعىس ەۋروپا مەن ورتا ازياداعى بيزنەستىڭ پاراساتتىلىعى» جانە «بيزنەستى جاۋاپتى جۇرگىزۋ» اتتى ەىدۇ- نىڭ سىبايلاس جەمقورلىققا قارسى ستاندارتتارى مەن زەرتتەۋلەرى دالەل بولا الادى. بۇل ۇدەرىس كۆازيمەملەكەتتىك سەكتوردا سىبايلاس جەمقورلىققا قارسى كومپلاەنس ينستيتۋتىن تولىققاندى ەنگىزۋمەن ايتارلىقتاي جاندانادى. ءتيىستى زاڭ جوباسىن ءماجىلىس جانە ءبىرىنشى وقىلىمدا سەنات ماقۇلدادى. ەگەر ءسىزدىڭ بيزنەس- جوباڭىز ىسكەرلىك پاراساتتىلىق قاعيداتتارىن ساقتاي وتىرىپ جۇمىس ىستەۋگە دايىن بولسا، ءبىز ءوز تاراپىمىزدان ءسىزدى قولداپ، سىبايلاس جەمقورلىق كورىنىستەرى مەن اكىمشىلىك توسقاۋىلداردان قورعاۋعا دايىنبىز»، - دەدى اليك شپەكبايەۆ.
اگەنتتىك باسشىسى انتيكور- سۇيەمەلدەۋگە ءوتىنىم بەرۋ جانە كەلىسىمگە قوسىلۋ تۋرالى سۇراقتار بولسا، 3500763 (707) جانە 5754037(701) (WhatsApp) تەلەفوندارى بويىنشا جوبالىق كەڭسەنىڭ ۇيلەستىرۋشىلەرىنە جۇگىنۋگە بولاتىنىن جەتكىزدى. ولار اۋماقتىق دەپارتامەنتتەرى جانىنداعى «Antikor Ortalyǵy» سەرۆيستىك ورتالىعىندا انتيكور مەن وڭىرلىك كاسىپكەرلەر پالاتاسىنىڭ قىزمەتكەرلەرىمەن كەزدەسۋدى قامتاماسىز ەتەدى.
اۆتور: بالنۇر قوجاگەلدى