يزرايل ەلدە ءۇش اپتالىق قاتاڭ كارانتين ەنگىزبەك

بۇل تۋرالى ەلدىڭ پرەمەر-ءمينيسترى بەنيامين نەتانياحۋ ءمالىم ەتكەن، دەپ حابارلايدى قازاقپارات Reuters اگەنتتىگىنە سىلتەمە جاساپ.

ۇلتتىق مەيرامدار قارساڭىنا تۇسپا-تۇس كەلگەن كارانتين ۋاقىتىندا ەل ازاماتتارىنا ۇيلەرىنەن 500 مەتردەن استام قاشىقتىقتا جۇرۋگە تىيىم سالىنادى، ءبىراق ولار شەكتەۋلى رەجيمدە جۇمىس ىستەيتىن كەڭسەلەرگە بارا الادى.

مەكتەپتەر مەن ساۋدا ورتالىقتارى جابىلادى، تەك سۋپەرماركەتتەر مەن ءدارىحانالار جۇمىس ىستەيدى. ۇكىمەتتىك ۇيىمدار قىسقارتىلعان قۇرامدا جۇمىس ىستەيتىن بولادى، ال كليەنتتەرمەن جۇمىس ىستەمەيتىن مەملەكەتتىك ەمەس اگەنتتىكتەر مەن كاسىپورىندار اشىق بولادى. قارجى مينيسترلىگى وقشاۋلاۋ كوروناۆيرۋستىڭ سالدارىنان رەتسەسسياعا ۇشىراعان ەكونوميكاعا شامامەن 6,5 ميلليارد شەكەل (1,88 ميلليارد دوللار) شىعىن اكەلەدى دەپ مالىمدەدى.

نەتانياحۋ قارجى مينيسترىنە كارانتيننەن زارداپ شەككەن كاسىپورىندارعا كومەكتەسۋ ءۇشىن جاڭا ەكونوميكالىق پاكەت ازىرلەۋدى تاپسىرعانىن ايتتى.

اۋرۋ جۇقتىرعاندار سانى كۇرت ارتىپ، وتكەن اپتادا 4000 نان استى، سەنبى كۇنى 2715 ادام ىندەتكە شالدىققان. پاندەميا باستالعاننان بەرى يزرايلدە 1108 ادام قايتىس بولدى.

نەتانياحۋدىڭ ايتۋىنشا، بۇل الاڭداتارلىق جاعداي بولدى جانە ۇكىمەتتى ارەكەت ەتۋگە يتەرمەلەدى. دەنساۋلىق ساقتاۋ مينيسترلىگىنىڭ باسشىسى حەزي لەۆي جەكسەنبى كۇنى راديو سۇحباتىندا قاتاڭ شەكتەۋلەر ەنگىزۋ كەرەك دەپ مالىمدەدى. بۇل شارالار ەلدەگى ۆيرۋستىڭ جاڭا تولقىنىن توقتاتا الادى

اۆتور: اياۋلىم التىنبەك